Bota

Sulmet ndaj palestinezëve që kërkonin ndihma në Gaza, Macron: Të zbardhet e vërteta për rolin e ushtarëve izraelitë në incident

Autoritetet shëndetësore të Gazës thanë se forcat izraelite të enjten qëlluan për vdekje më shumë se 100 palestinezë teksa prisnin dërgimin e ndihmave. 

1 Mars 2024, 15:14 Nga M.B
Sulmet ndaj palestinezëve që kërkonin ndihma në Gaza,
Emmanuel Macron


PARIS- Presidenti francez, Emmanuel Macron tha sot se ishte i zemëruar nga të shtënat ndaj më shumë se 100 palestinezëve që kërkonin ndihmë humanitare në Gaza dhe kërkoi zbardhet e vërteta në lidhje me rolin e ushtarëve izraelitë në incident. Autoritetet shëndetësore të Gazës thanë se forcat izraelite të enjten qëlluan për vdekje më shumë se 100 palestinezë teksa prisnin dërgimin e ndihmave. Izraeli fajësoi për incdentin turmat që rrethuan kamionët e ndihmave, duke thënë se viktimat ishin shkelur ose përmbysur.

"Indinjatë e thellë për imazhet që vijnë nga Gaza ku civilët janë shënjestruar nga ushtarët izraelitë. Shpreh dënimin tim më të fortë për këto të shtëna dhe bëj thirrje për të vërtetën, drejtësinë dhe respektimin e ligjit ndërkombëtar", tha Macron në një postim në platformën X.

Macron tha se ishte e domosdoshme që të vendosej një armëpushim i menjëhershëm në luftë. Duke folur në radion France Inter të premten, ministri i Jashtëm Stephane Sejourne tha se Parisi do të mbështeste thirrjen e Kombeve të Bashkuara për një hetim të pavarur.

"Situata humanitare ka qenë katastrofike për disa javë tani dhe ajo që ndodhi është e pambrojtshme dhe e pajustifikueshme. Izraeli duhet të jetë në gjendje ta dëgjojë atë dhe duhet të ndalet. Ne kemi shkuar një hap më tej, njerëzit po luftojnë për ushqim dhe ka trazira. Dëgjova kërkesën e Sekretarit të Përgjithshëm të Kombeve të Bashkuara për të hapur një hetim të pavarur dhe mendoj se Franca do ta mbështesë këtë", tha Sejourne.

emanuel macron

Sondazh

Poll

MË SHUMË