Aktualitet

I akuzuar për korrupsion pasiv, shtyhet gjyqi për Edvin Priftin, shkak mungesa e avokatit mbrojtës

Prifti akuzohet për kryerjen e veprave penale të “Korrupsionit pasiv të personave që ushtrojnë funksione publike”, “Vjedhja e kryer duke shpërdoruar detyrën”, “Fshehja e të ardhurave”, dhe “Pastrimi i produkteve të veprës penale ose veprimtarisë kriminale”.

28 Shkurt 2024, 11:00 Nga N.F
I akuzuar për korrupsion pasiv, shtyhet gjyqi për Edvin Priftin, shkak
Edvin Prifti

TITANË- Ditën e sotme do të mbahej seanca gjyqësore për kardiologun Edvin Prifti. Ndërkohë është bërë me dije gjyqi është shtyrë dhe shkak ka qenë mungesa e avokatit mbrojtës. Prifti akuzohet për kryerjen e veprave penale të “Korrupsionit pasiv të personave që ushtrojnë funksione publike”, “Vjedhja e kryer duke shpërdoruar detyrën”, “Fshehja e të ardhurave”, dhe “Pastrimi i produkteve të veprës penale ose veprimtarisë kriminale”.

Prifti edhe pse nuk ishte i shoqëruar nga avokatit i tij u paraqit ditën e sotme në ambientet e SPAK por që seanca nuk u mbajt. Prokuroria e Posaçme mbylli hetimet për mjekun dhe dergoi çështjen për gjykim. Sipas SPAK, nga hetimet nga rezultuar se Edvin Prifti gjatë ushtrimit të detyrës së tij, si mjek kardiokirurg, “të paktën në shtatë raste ka marrë përfitim të parregullt në shuma monetare nga pacientët e operuar pranë Pavionit të Kardiokirurgjisë në Qendrën Spitalore Universitare “Nënë Tereza”.” 

Prifti akuzohet se mori ryshfet nga kryesekretarja e Gjykatës së Krujës, Manuela Mallakuçi për t’i operuar nënën. Në një prej shumë bisedave, Mallakuçi është kapur duke folur me Priftin që t’i kryente një operacion jashtë radhe nënës së saj në këmbim të parave. Gjatë kontrollit mjekut prifti iu gjetën afro 380 mijë euro, ndërsa iu sekuestruan 1 milionë euro.

edvin prifti gjyq korrupsion

Sondazh

Poll

MË SHUMË