Pas pranimit të fajësisë, ata janë lënë të lirë. Kështu konfirmoi për gazetarët para Gjykatës Themelore në Prishtinë avokati Asdren Hoxha. Ai sqaroi se paraprakisht janë hedhur poshtë tri vepra të tjera penale që rëndonin ndaj të akuzuarve.
ZVEÇAN- Radosh Petroviç dhe Dushan Obrenoviç, të cilët u arrestuan më 29 maj të vitit të kaluar në Zveçan në veri të Kosovës, gjatë përleshjeve mes protestuesve serbë dhe pjesëtarëve të KFOR-it, kanë arritur një marrëveshje me Prokurorinë Speciale dhe kanë pranuar fajësinë për veprën “pjesëmarrje në turmë që kryen vepër penale dhe huliganizëm”.
Pas pranimit të fajësisë, ata janë lënë të lirë. Kështu konfirmoi për gazetarët para Gjykatës Themelore në Prishtinë avokati Asdren Hoxha. Ai sqaroi se paraprakisht janë hedhur poshtë tri vepra të tjera penale që rëndonin ndaj të akuzuarve.
Sipas aktakuzës, që u ngrit më 5 shkurt të këtij viti, ata akuzoheshin se “kanë marrë pjesë aktive në grupin përkatësisht turmën e personave me qëllim të kryerjes së veprave penale serioze, përmes përdorimit të dhunës kanë tentuar që të pengojnë vendosjen e rendit kushtetues të Republikës së Kosovës në komunat veriore të vendit”, kanë “rrezikuar personat nën mbrojtje ndërkombëtare” dhe po ashtu ishin akuzuar për “sulm ndaj personit zyrtar”.
“Gjykata miratoi atë për të cilën kemi rënë dakord. Sa i përket Radosh Petroviçit, gjashtë muaj burgim i është shndërruar në gjobë. Ndërkaq, Dushan Obrenoviç, që ka qëndruar në paraburgim, ajo kohë i është përfshirë në dënimin e tij”, sqaroi Hoxha.
Dushan Obrenoviç ishte në paraburgim për gjashtë muaj, por në fund të nëntorit të vitit 2023 u lirua për t’u mbrojtur në liri. Ndërkaq, Radosh Petroviç, u lirua nga paraburgimi për t’u mbrojtur në liri qershorin e vitit të kaluar. Në mesin e vitit të kaluar, policia e Kosovës arrestoi dhjetë pjesëtarë të komunitetit serb për sulme ndaj pjesëtarëve të misionit paqeruajtës të NATO-s në Kosovë, për akuza kundër rendit kushtetues të Kosovës dhe për sulme ndaj gazetarëve.
Në veri, tensionet u rritën vitin e kaluar pasi policia e Kosovës asistoi që në ndërtesat komunale të hynin kryetarët e rinj shqiptarë. Kjo u kundërshtuar nga popullata vendase serbe, që nuk pranoi rezultatet e zgjedhjeve lokale të prillit, votime që i bojkotoi. Situata u përshkallëzua më 29 maj, kur serbët u përleshën me KFOR-in dhe mbi 100 persona u plagosën nga të dyja palët.
Marrë nga REL
Oleg Orlov RUSI- Një nga krerët e organizatës "Memorial" për mbrojtjen e të drejtave të njeriut u dënua nga n...
Foto ilustruese MOSKË-Rusia të martën ka urdhëruar një ndalesë gjashtëmujore të eksporteve të benzinës d...
Besnik Bislimi KOSOVË- Zëvendëskryeminsitri i Kosovës, Besnik Bislimi, akuzoi Serbinë se po vazhdon të refuzo...
Foto ilustruese KORE- Koreja e Veriut ka dërguar afër 6.700 kontejnerë me miliona municione në Rusi që nga korriku, në mb&eum...
Trump Jr. SHBA- Djali i ish-presidentit amerika Donald Trump është kërcënuar me jetë. Mësohet se në shtëpinë e...
Foto ilustruese KOSOVË- Disa pjesëtarë të KFOR-it, derisa kanë qenë duke qëndruar me një lokal janë kanos...
Foto ilustruese IZRAEL-Kur kanë kaluar thuajse 4 muaj luftë dhe ndërsa flitet për një armëpushim të mundshëm t&eum...
Macron UKRAINË- Udhëheqësit evropianë janë pajtuar të krijojnë një koalicion për të furnizuar Ukrainë...
Prifti italian ITALI- Një famullitar në jug të Italisë po bëhej gati të pinte një gllënjkë nga kupa e verë...
Foto ilustruse IZRAEL- Burime kanë zbuluar për Al Jazeera se ka rënë dalord për shkëmbimin e të burgosurve në ...