Aktualitet

Akuzohet se ka lidhje me mafian shqiptare, ish-shefja e Policisë së Ekuadorit: Jam e pafajshme, do ta mbroj emrin tim me vendosmëri

Ajo thekson se gjatë gjithë karrierës së saj ajo vetëm i ka luftuar bandat dhe nuk ka qenë kurrë bashkëpunëtore me to.

19 Shkurt 2024, 21:52 Nga N.F
Akuzohet se ka lidhje me mafian shqiptare, ish-shefja e Policisë së
Coronel

EKUADOR- Ish-komandantja e përgjithshme e Policisë Kombëtare në Ekuador, Tannya Varela Coronel në një reagim ka hedhur poshtë akuzat se ajo ka lidhje me mafien shqiptare.


“Unë jam e pafajshme, gëzoj prezumimin tim të pafajësisë si një e drejtë themelore dhe do ta mbroj emrin tim me vendosmëri. Unë e thyej heshtjen sepse, për shumë të tjerë është më mirë që unë të qëndroj hermetike duke marrë akuzat e tyre shpifëse ndaj meje”, komentoi ajo.

Ajo thekson se gjatë gjithë karrierës së saj ajo vetëm i ka luftuar bandat dhe nuk ka qenë kurrë bashkëpunëtore me to.

“Ata kurrë nuk do të mund të më lidhin në asnjë mënyrë me ndonjë veprim të parregullt në dobi të organizatave kriminale që kam luftuar gjatë jetës sime profesionale. Unë kurrë nuk kam bërë ndonjë parregullsi, as si komandante e përgjithshëm dhe as si civile”, shtoi ajo.

Ajo ka deklaruar se deri më sot, paraqitja e saj nuk është kërkuar në kuadër të asnjë hetimi. Dhe nëse autoritetet i kërkojnë asaj të paraqitet, ajo do të jetë e gatshme ta bëjë këtë. “Nuk kam pasur nevojë të iki nga vendi, as të fshihem”.

mafia shqiptare shqiptaret ne ekuador policia maqedonase

Sondazh

Poll

MË SHUMË