Sport

Xavi shpreson të rikuperojë Joao Félix për sfidën kundër Napolit...

Anësori portugez është pjesë e séances stërvitore me grupin

19 Shkurt 2024, 16:09 Nga DOSJA

SPANJE - Pas dy ditësh, Barcelona përballet me një ndeshje që do të përcaktojë bilancin e sezonit: luan kundër Napolit në ndeshjen e parë të 1/16-tës së Champions League.

Xavi ende nuk është në gjendje të përcaktojë 11-shen për shkak të numrit të madh të lojtarëve që ka dëmtuar, por nuk përjashtohet mundësia që trajneri të rikuperojë një futbollist të rëndësishëm: Joao Félix. Trajneri i katalanasve është optimist për këtë.

Ndërkombëtari portugez ka zhvilluar një pjesë të séancës stërvitore me grupin mëngjesin e sotëm. Lojtari i huazuar nga Atlético Madridi tani është rikuperuar praktikisht nga ndrydhja në ligamentin e jashtëm anësor të kyçit të këmbës së djathtë që ai pësoi më 30 janar gjatë një seance.

Xavi shpreson të rikuperojë Joao Félix për sfidën

Evolucioni i Joao Félix, i cili ka marrë pjesë në 28 ndeshje në të cilat ka shënuar shtatë gola dhe ka dhënë pesë asistime, është shumë pozitiv dhe dhoma e zhveshjes beson se ai do të jetë lajmi i madh në listën e të thirrurve për përballjen në Napoli. Ai ka humbur gjashtë ndeshje për shkak të ndrydhjes.

Xavi ka ende: Balde, Gavi, Ferran Torres, Marcos Alonso dhe Sergi Roberto në infermieri. Ndërkohë Astralaga, Cubarsí, Héctor Fot, Marc Guiu, Marc Casadó dhe Pelayo, nga Barça Atlètic, morën pjesë në seancën e mëngjesit të sotëm në “Sports City”.

B.T (Dosja.al)