Bota

Shtohen akuzat ndaj agjencisë së OKB-së?/ Izraeli: Kemi zbuluar tunelin e Hamasit nën selinë e UNRWA

Komisioneri i përgjithshëm i UNRWA, Philippe Lazzarini tha se agjencia nuk ishte në dijeni të asaj që ishte poshtë objektit, por gjetjet meritojnë një hetim të pavarur.

10 Shkurt 2024, 22:36 Nga r.ll
Shtohen akuzat ndaj agjencisë së OKB-së?/ Izraeli: Kemi zbuluar
foto ilustruese

GAZË- Ushtria izraelite pretendon se ka zbuluar një pjesë të një tuneli nën oborrin e selisë që i përket agjencisë së OKB-së për refugjatët palestinezë. Sipas ushtrisë objekti i UNRWA furnizonte tunelet me energji elektrike. Ky pretendim i bashkohet akuzave se anëtarët e agjencisë bashkëpunonin me Hamasin.

Komisioneri i përgjithshëm i UNRWA, Philippe Lazzarini tha se agjencia nuk ishte në dijeni të asaj që ishte poshtë objektit, por gjetjet meritojnë një hetim të pavarur. Ai tha se nuk ishte në gjendje të kryente hetimin për shkak të luftës. Vetë selia, në skajin perëndimor të qytetit të Gazës, është shkatërruar, shkruan SkyNews.

Një gazetar i Associated Press tha se tuneli me 10 dyer shtrihej për një çerek milje dhe në një moment ishte në gjendje të shikonte lart përmes një vrime dhe të bënte kontakt me sy me ushtarët që qëndronin në një oborr brenda objektit të UNWRA. Brenda një prej ndërtesave të agjencisë, gazetarët panë një dhomë plot me kompjuterë me tela të shtrirë në tokë.

Një nga dhomat në kalimin nëntokësor kishte një mur dollapësh elektrikë me butona shumëngjyrësh dhe ishte i veshur me dhjetëra kabllo. Ushtarët pretenduan se të dy ishin të lidhur, duke shërbyer si një qendër që furnizonte infrastrukturën e tunelit në zonë.

“UNRWA është një organizatë humanitare e zhvillimit njerëzor që nuk ka ekspertizën ushtarake dhe të sigurisë dhe as kapacitetin për të ndërmarrë inspektime ushtarake të asaj që është ose mund të jetë në objektet e saj”, thuhet në një deklaratë të zotit Lazzarini. Ushtria tha se zbuloi pushkë, municione, granata dhe eksplozivë në objekt, ndërsa zoti Lazzarini tha se stafi u evakuua më 12 tetor dhe nuk e di se si është përdorur që atëherë.

unrwa hamas lufta izrael-palestine

Sondazh

Poll

MË SHUMË