Bota

Rivendosja e qeverisë, përfqësuesi i Irlandës së Veriut takim me ligjvënësit amerikanë

Irlanda e Veriut, e cila është pjesë e Mbretërisë së Bashkuar dhe ndan një kufi me Irlandën, të shtunën emëroi udhëheqësin e saj të parë nacionalist irlandez në një moment historik, duke rivendosur qeverinë e saj pas një bllokimi dy-vjeçar mbi fërkimet tregtare pas Brexit.

6 Shkurt 2024, 09:36 Nga M.B
Rivendosja e qeverisë, përfqësuesi i Irlandës së Veriut
Kryeministri i Britanisë Rishi Sunak dhe Sekretari i Shtetit për Irlandën e Veriut Chris Heaton-Harris takohen me ministren e parë të Irlandës së Veriut Michelle O'Neill dhe zëvendësministren e parë Emma Little-Pengelly në Kështjellën Stormont në Belfast, Irlanda e Veriut, 5 shkurt, 2024.

BRITANI- Ministri i Britanisë së Madhe për Irlandën e Veriut, Chris Heaton-Harris, do të udhëtojë në Uashington për të diskutuar me ligjvënësit amerikanë rivendosjen e qeverisë së deleguar të provincës dhe për të tregtuar potencialin e saj ekonomik. Irlanda e Veriut, e cila është pjesë e Mbretërisë së Bashkuar dhe ndan një kufi me Irlandën, të shtunën emëroi udhëheqësin e saj të parë nacionalist irlandez në një moment historik, duke rivendosur qeverinë e saj pas një bllokimi dy-vjeçar mbi fërkimet tregtare pas Brexit.

“Me Ekzekutivin dhe Asamblenë e Irlandës së Veriut të rivendosur dhe duke punuar për popullin e Irlandës së Veriut, jam i kënaqur që po përditësoj palët tona të interesit në SHBA, mbështetja e palëkundur e të cilëve ka qenë e paçmueshme, në këtë moment të rëndësishëm”, tha Heaton-Harris.

Heaton-Harris do të takohet me përfaqësues nga Departamenti i Shtetit i SHBA, Këshilli i Sigurisë Kombëtare i SHBA dhe biznese. Ai do ta përdorë vizitën për të "kampionuar" potencialin ekonomik të Irlandës së Veriut si një vend për të tregtuar, investuar, vizituar dhe studiuar, shtohet deklarata.

irlanda e veriut britani shba

Sondazh

Poll

MË SHUMË