Sport

ZYRTARE/ Mbrojtësi i Kombëtares, Marash Kumbulla do të nisë një aventurë të re me Sassuolon, teksa falenderon Romën…

Marash Kumbulla është bërë me ekip të ri. Mbrojtësi i Kombëtares së Shqipërisë është transferuar te skuadra e Sassuolos nga Roma.

1 Shkurt 2024, 17:59 Nga DOSJA

ZYRTARE/ Mbrojtësi i Kombëtares, Marash Kumbulla do të nisë

ITALI - Mbrojtësi i Kombëtares kuqezi, Marash Kumbulla, pjesë e verdhekuqve të Romës, ka kaluar në formë huazimi te Sassuolo deri në fund të sezonit të Seria A.

Mungesa e minutave në fushën e blertë dhe afrimi i “Euro 2024”-s kanë bërë që mbrojtësi shqiptar dhe ekipi kryeqytetas të marrin vendim për huazimin e tij, gjë të cilën e ka shfrytëzuar Sassuolo.

Mbrojtësi shqiptar ka vuajtur shumë në sezonin e fundit, pasi ka qenë jashtë fushave nga sezoni i kaluar shkaku i një dëmtimi. Pasi ka nënshkruar kontratën e huazimit me Sassuolon, Kumbulla e ka falënderuar Romën për kohën e kaluar atje.

“Faleminderit për mënyrën se si më keni pritur dhe për emocionet që më keni bërë të ndjej, sigurisht që nuk do t’i harroj kurrë. I uroj klubit dhe të gjithë tifozëve të tij fantastikë një fund të mirë të sezonit, fat të mire”,- ka shkruar mbrojtësi i kombëtares shqiptare.

Mbrojtësi Marash Kumbulla ka qenë i lidhur edhe me një kalim të mundshëm te Udinese dhe Genoa.

B.T (Dosja.al)

 

Sondazh

Poll

MË SHUMË