Sport

Neymar dhe rroga milionere që ka marrë braziliani nga Al-Hilal, gjatë rikuperimit…

Ylli brazilian ka një marrëveshje me Al-Hilal për dy sezone, me një pagë 109 milionë dollarë në vit

27 Janar 2024, 16:03 Nga DOSJA

Neymar dhe rroga milionere që ka marrë braziliani nga Al-Hilal,

BRAZIL - Më 17 tetor 2023, ylli brazilian Neymar Jr përjetoi një nga momentet më të komplikuara të karrierës së tij, duke pësuar një çarje të ligamentit të kryqëzuar të përparmë dhe meniskut në gjurin e majtë, që e la atë jashtë sezonit.

Futbollisti i Al-Hilal iu nënshtrua një operacioni të suksesshëm dhe menjëherë filloi rehabilitimin e dhimbshëm, të paktën kjo shihet në videot që ai shpërndan në rrjetet e tij sociale.

Neymar fiton një milion pa luajtur

Verën e kaluar, Neymar u largua nga PSG për të filluar një aventurë në Arabinë Saudite me Al-Hilal dhe një pagë prej 9 milionë dollarësh në muaj. Nga tetori, numri 10 brazilian e ka marrë rrogën pa luajtur asnjë minutë.

Që nga dëmtimi i tmerrshëm që pësoi në humbjen ndaj Uruguajit në kualifikueset e Botërorit 2026 në stadiumin “Centenario”, Neymar ka marrë rreth 36 milionë dollarë nga klubi i Arabisë Saudite.

Kujtojmë se Neymar nënshkroi një kontratë dyvjeçare me Al-Hilal në këmbim të 218 milionë dollarëve. Rikuperimi i brazilianit kërkon një rikuperim nga gjashtë deri në tetë muaj, ndaj pritet që rikthimi i tij në fusha të jetë qershorin e ardhshëm, me një vit kontratë për t'u përmbushur.

Neymar do të fitonte 81 milionë dollarë pa luajtur asnjë minutë me Al-Hilal, për shkak të një dëmtimi të tmerrshëm në gjurin e majtë.

Edhe pa Neymar, Al-Hilal është lider në Arabinë Saudite

Pas 19 ndeshjeve të para në Super Ligës së Arabisë Saudite, Al-Hilal, edhe pa yllin e saj, brazilianin Neymar Jr, është lider me 53 pikë dhe një avantazh prej shtatë pikësh ndaj Al-Nassr të Cristiano Ronaldos.

Të hënën e ardhshme, më 29 janar, Al-Hilal do të përballet me Inter Miami të Lionel Messi, Luis Suarez, Sergio Busquets dhe shoqëri në një duel miqësor në “Kingdom Arena”.

B.T (Dosja.al)

Sondazh

Poll

MË SHUMË