Sport

Mbrojtësi Balde do t'i nënshtrohet një operacioni dhe i thotë lamtumirë sezonit...

Lojtari anësor i majtë i Barcelonës, ka pësuar një dëmtim në tendinën e kërdhokullës në kofshën e djathtë

27 Janar 2024, 15:36 Nga DOSJA

Mbrojtësi Balde do t'i nënshtrohet një operacioni dhe i

SPANJE - Barcelona ka lëshuar një deklaratë mjekësore me të cilën Alejandro Balde do t'i nënshtrohet një operacioni në ditët në vijim, pas dëmtimit që pësoi të mërkurën e kaluar në Bilbao. Siç njoftoi “Marca”, të enjten futbollisti iu nënshtrua testeve të ndryshme për të sqaruar se cila zonë ishte prekur dhe për të vendosur nëse duhej t'i nënshtrohej një operacioni.

Këtë të premte u zhvillua takimi final, në të cilin u ra dakord që lojtari t'i nënshtrohej një operacioni për një çarje në tendin. Koha e parashikuar e mungesës, edhe pse raporti mjekësor nuk e saktëson, është katër muaj ndaj ai i thotë lamtumirë sezonit dhe gjithashtu edhe Eurokupës, në të cilën kishte shpresa të mëdha për të marrë pjesë. Në ditët në vijim Balde do t'i nënshtrohet trajtimit kirurgjik nga doktor Lasse Lempainen, nën mbikëqyrjen e shërbimeve mjekësore të klubit, në Turku (Finlandë).

Për Xavi është një humbje shumë e rëndësishme, pasi e lë ekipin pa një mbrojtës të majtë specifik për një periudhë afatshkurtër. Marcos Alonso iu nënshtrua një operacioni disa javë më parë dhe pritet të rikuperohet para fundit të muajit. Ndërkohë, trajneri i Barçës do të duhet të kërkojë alternativa brenda skuadrës dhe ekipit rezervë.

Mbrojtësi Balde do t'i nënshtrohet një operacioni dhe i
Héctor Fort, në ndeshjen në "San Mamés".

Joao Cancelo, i cili pikërisht në Bilbao u rikthye në skuadër pas dëmtimit të tij, tashmë është shfaqur në disa raste këtë sezon si mbrojtës i majtë. Është një nga alternativat, ashtu si luan me Héctor Fort, djalin e rezervës, i cili ka bërë një paraqitje të mirë duke vepruar në atë krah, megjithëse pozicioni i tij natyral është mbrojtësi i djathtë.

B.T (Dosja.al)

Sondazh

Poll

MË SHUMË