Aktualitet

Dëbora në vend, policia rrugore rrit prezencën në akset kryesore: Drejtuesit e mjeteve të tregojnë kujdes

Në njoftim u bëhet thirrje drejtuesve të automjeteve të lëvizin me kujdes dhe të respektojnë rregullat e qarkullimit. 

21 Janar 2024, 16:22 Nga M.B
Dëbora në vend, policia rrugore rrit prezencën në akset
Foto ilustruese

SHQIPËRI- Policia Rrugore njofton se ka shtuar prezencën e saj në akset rrugore me qëllim parandalimin e aksidenteve. Në njoftim u bëhet thirrje drejtuesve të automjeteve të lëvizin me kujdes dhe të respektojnë rregullat e qarkullimit. Gjithashtu bëhet me dije se firmat kontraktore po hedhin kripë në të gjitha akset rrugore, me qëllim që të mos krijohen ngrica dhe akull për shkak të rënies së temperaturave. Policia udhëzon drejtuesit e automjeteve dhe motomjeteve të mos kryejnë parakalime të gabuara, të moderojnë shpejtësinë, të mos përdorin celularin gjatë drejtimit të mjetit dhe të vendosin rripin e sigurimit.

Njoftimi:

''Me qëllim parandalimin e aksidenteve rrugore dhe për t’iu dhënë ndihmë përdoruesve të rrugës, në rast nevoje, Policia Rrugore ka rritur prezencën e saj në të gjitha akset rrugore dhe qendrat urbane, veçanërisht në akset rrugore malore që janë përfshirë nga reshjet e borës. Shërbimet e Policisë Rrugore janë në detyrë në të gjitha akset rrugore të cilat janë të kalueshme. Firmat kontraktore po hedhin kripë në të gjitha akset rrugore, me qëllim që të mos krijohen ngrica dhe akull për shkak të rënies së temperaturave.

Policia e Shtetit apelon për të gjithë drejtuesit e mjeteve që të zbatojnë të gjitha rregullat e qarkullimit rrugor dhe të respektojnë udhëzimet e Policisë dhe të autoriteteve të tjera shtetërore. Drejtuesit e automjeteve dhe motomjeteve të mos kryejnë parakalime të gabuara, të moderojnë shpejtësinë, të mos përdorin celularin gjatë drejtimit të mjetit dhe të vendosin rripin e sigurimit. Për çdo problem kontaktoni në numrin pa pagesë 112 dhe shërbimet e Policisë do t’ju vijnë në ndihmë.''

policia rrugore debora

Sondazh

Poll

MË SHUMË