Bota

E fshehur në banane/ Sekuestrohen në Kolumbi mbi 2 ton kokainë, dyshohet se u porosit nga karteli ballkanik

Droga u sekuestrua në dy operacione të zhvilluara në portin “Santa Marta”, ndërsa sipas mediave latine bëhet me dije se lënda narkotike ishte fshehur në një ngarkesë me banane.

20 Janar 2024, 22:20 Nga r.ll
E fshehur në banane/ Sekuestrohen në Kolumbi mbi 2 ton kokainë,
foto ilustruese

KOLUMBI- Rreth 2.6 ton kokainë janë sekuestruar nga autoritetet kolumbiane. Lënda narkotike dyshohet se kishte si destinacion përfundimtar Holandën dhe Belgjikën.

Droga u sekuestrua në dy operacione të zhvilluara në portin “Santa Marta”, ndërsa sipas mediave latine bëhet me dije se lënda narkotike ishte fshehur në një ngarkesë me banane. Gjatë këtij kontrolli u konfiskuan rreth 2.4 tonë hidroklorur me përmbajtje kokaine.

Operacioni i dytë u krye gjatë inspektimit të një ngarkese po me banane e cila kishte si destinacion portin e Antëerpit në Belgjikë. Në këtë kontroll të autoriteteve kolumbiane u gjetën 196 kilogramë kokainë, ndërsa autoritetet kanë nisur punën për identifikimin e autorëve.

Sipas mediave në Kolumbi nuk përjashtohet mundësia që kokaina e pastërtisë së lartë të ishte e destinuar për trafikantët e drogës të të ashtuquajturit karteli ballkanik, i cili ka bashkuar bosët e mafias shqiptare dhe serbe.

kolumbi

Sondazh

Poll

MË SHUMË