Bota

Italia refuzon të ekstradojë në Argjentinë priftin e akuzuar për krime kundër njerëzimit

Imzot Franco Reverberi, 86 vjeç, i cili shërbeu si kapelan ushtarak gjatë regjimit ushtarak të Argjentinës në vitet 1976-1983, akuzohet se është i lidhur me torturimin dhe vrasjen e aktivistit politik 20-vjeçar José Guillermo Berón në vitin 1976.

12 Janar 2024, 21:33 Nga A.TH
Italia refuzon të ekstradojë në Argjentinë priftin e akuzuar
Foto ilustruese

ITALI-Carlo Nordio, ministri i Drejtësisë, vuri veton ndaj ekstradimit, duke përmendur moshën e shtyrë të Reverberit dhe gjendjen e tij shëndetësore. Ministri i Drejtësisë i Italisë refuzoi kërkesën e Argjentinës për të ekstraduar një prift të akuzuar për krime kundër njerëzimit gjatë diktaturës ushtarake të vendit në vitet 1970-1980.

Imzot Franco Reverberi, 86 vjeç, i cili shërbeu si kapelan ushtarak gjatë regjimit ushtarak të Argjentinës në vitet 1976-1983, akuzohet se është i lidhur me torturimin dhe vrasjen e aktivistit politik 20-vjeçar José Guillermo Berón në vitin 1976.

Reverberi, i cili ka kombësi të përbashkët argjentinase dhe italiane, u largua nga Argjentina në vitin 2011 pasi gjyqet kundër figurave pro-juntës kishin filluar në Argjentinë, duke u kthyer në qytetin e tij të lindjes pranë Parmës. Që atëherë, ai jeton i pashqetësuar në Itali, ku ka vazhduar të kremtojë meshë deri vonë. Ai vazhdimisht ka mohuar çdo keqbërje dhe nuk është dënuar nga gjykatat apo shkishëruar nga Vatikani.

Gjykata e lartë penale e Italisë konfirmoi ekstradimin e tij në tetor, duke hedhur poshtë apelin e priftit. Por të premten Carlo Nordio, ministri i Drejtësisë, vuri veton ndaj ekstradimit, duke përmendur moshën e shtyrë të Reverberit dhe gjendjen e tij shëndetësore.

“Lëvizja e ministrit italian të drejtësisë është në kontrast me vendimet gjyqësore kundër Reverberit. Shpresa jonë e fundit është që Reverberi të ndiqet penalisht në Itali.” -tha Arturo

Salerni, një avokat që përfaqësonte Argjentinën në këtë çështje

Në një rast paralel, një gjyq do të nisë në Romë më 22 prill kundër një oficeri të ushtrisë argjentinase, nënkolonelit Carlos Luis Malatto, i akuzuar për vrasjen e paramenduar të tetë personave nën regjimin e Videlës. Ish-oficeri ushtarak akuzohet për krime kundër njerëzimit në Argjentinë, por, ashtu si Reverberi, ai u largua nga vendi në vitin 2011 dhe ka jetuar i pashqetësuar në një fshat turistik në provincën e Mesinës, Siçili.

prifti i akuzuar

Sondazh

Poll

Bota 12 Janar 2024, 18:28 M.B

SHBA: Nuk duam konflikt me Iranin

John Kirby SHBA- Shtëpia e Bardhë nuk dëshiron konflikt me Iranin, pavarësisht se kreu sulme në Jemen ndaj rebelëve Huthi, q&...

MË SHUMË