Bota

Momenti kur krimineli serb vritet në sy të gruas në Brazil

Sipas mediave të huaja, Nedeljkoviç dyshohet se ishte një anëtar i klanit kriminal “Skaljar” dhe ai u vra të premten në mbrëmje kur po ngiste një biçikletë me gruan dhe fëmijën e tij në bregdetin e Sao Paulos.

10 Janar 2024, 18:47 Nga h.k
Momenti kur krimineli serb vritet në sy të gruas në Brazil
Foto ilustruese

BRAZIL-Krimineli serb Darko Geisler Nedeljkoviç, 43 vjeç u vra në Sao Paulo të Brazilit më 5 janar, kur u qëllua nga një person i panjohur para shtëpisë ku jetonte me familjen e tij.

Sipas mediave të huaja, Nedeljkoviç dyshohet se ishte një anëtar i klanit kriminal “Skaljar” dhe ai u vra të premten në mbrëmje kur po ngiste një biçikletë me gruan dhe fëmijën e tij në bregdetin e Sao Paulos.

Dhe siç raportojnë mediat, në disa pamje të publikuara, shihet sulmuesi duke vrapuar dhe duke qëlluar tri të shtëna në drejtim të tij.

Në atë moment Nedeljkoviq ka rënë në trotuar, kurse fëmija ka rënë nga biçikleta. Nedeljkoviç përdori një identitet të rremë në Brazil, Dejan Kovaç.

Ai punonte në një punishte zdrukthtarie, thanë fqinjët për mediat braziliane. Ndërkohë mediat serbe spekuluan se Darko Geisler nuk ishte gjallë, pasi i humbën të gjitha gjurmët pas vrasjes së Andrija Mrdakut në Beograd në vitin 2014, në të cilën ai mori pjesë.

Sipas mediave braziliane dhe të raportuara nga mediat serbe, ambulanca ka arritur, por pa arritur të bëjë gjë.

Geisler ishte i lidhur me disa grupe kriminale në Serbi dhe Bosnje e Hercegovinë dhe është interesante që askush nuk e raportoi zhdukjen e tij në atë kohë.

darko geisler nedeljkoviç

Sondazh

Poll

MË SHUMË