Aktualitet

Dyshohet se vrau partneren shqiptare shtatëzënë, 39-vjeçari dikur i dënuar për dhunë ndaj...

Të dyshuar lidhur me këtë ngjarje janë partneri i së ndjerës, 39-vjeç dhe shoku i tij 34-vjeç.

10 Janar 2024, 08:37 Nga M.B

Dyshohet se vrau partneren shqiptare shtatëzënë,

Greqi- Dy të arrestuarit për vrasjen e 41-vjeçares me origjinë shqiptare Gjeorgji Murati, trupi i së cilës u gjet pasditen e së hënës në një zonë me shkurre pranë Monopigados, do të dalin sot në Gjykatën e Selanikut. Të dyshuar lidhur me këtë ngjarje janë partneri i së ndjerës, 39-vjeç dhe shoku i tij 34-vjeç. Nga ekspertiza mjeko-ligjore e kryer në trupin e 41-vjeçares rezultoi se viktima kishte një plagë në zonën e djathtë të qafës së mitrës dhe tre goditje me thikë kuzhine, të cilat i kanë shkaktuar gjakderdhje të pakontrollueshme. 

Ndërkohë, sipas informacioneve, partneri 39-vjeçar i viktimës, i cili që në momentin e parë ishte i dyshuari kryesor i çështjes, ende mohon të ketë lidhje me vrasjen e gruas shtatëzënë. I akuzuari pretendon se atë natë fatale të Vitit të Ri kishte marrë një “pilula të rënda gjumi” për të fjetur dhe kur u zgjua në mëngjes gruaja nuk ishte në shtëpi. Ai pretendon se shoku i tij, së bashku me një bashkëpunëtor të panjohur, kanë vrarë Gjeorgjinë.

“Nuk kam bërë asgjë, gjithçka ka ndodhur natën teksa flija”, mësohet të ketë thënë ai në polici.

39-vjeçari Akis ishte i njohur për autoritetet për të kaluarën e tij të dhunshme, pasi është arrestuar dhe dënuar disa herë për rrahjen e motrës së tij, ndërsa ndaj tij janë bërë edhe denoncime për abuzim nga ish-bashkëshortja e tij, me të cilën ka dy fëmijë.

greqi vrasje shqiptare

Sondazh

Poll

MË SHUMË