Bota

RAPORTI: Mbi 300 mijë persona kanë aplikuar për azil në Gjermani në vitin 2023

Migrimi është bërë një problem i madh politik për qeverinë dhe një temë e nxehtë në Gjermani pasi komunitetet lokale po përpiqen të strehojnë shumë të ardhur. 

9 Janar 2024, 08:13 Nga a.l
RAPORTI: Mbi 300 mijë persona kanë aplikuar për azil në
Gjermani

GJERMANI- Rreth 350,000 njerëz aplikuan për azil në Gjermani gjatë vitit 2023. Numri i personave që aplikuan për azil në Gjermani vitin e kaluar u rrit në 351,915, një rritje prej 51.1% krahasuar me një vit më parë. Zyra Federale e Gjermanisë për Migracionin dhe Refugjatët tha se numri më i madh i azilkërkuesve erdhi nga Siria, me 104,561 aplikime, të ndjekur nga shtetasit turq me 62,624 kërkesa për azil dhe 53,582 afganë, shkruan Euronews.com

Migrimi është bërë një problem i madh politik për qeverinë dhe një temë e nxehtë në Gjermani pasi komunitetet lokale po përpiqen të strehojnë shumë të ardhur. 

Në fund të vitit të kaluar, Scholz dhe 16 guvernatorët e shteteve ranë dakord për masa të reja dhe më të rrepta për të frenuar numrin e lartë të emigrantëve që rrjedhin në vend, duke arritur një kompromis që përfshinte përshpejtimin e procedurave të azilit, kufizimet e përfitimeve për azilkërkuesit dhe më shumë ndihmë financiare nga qeveria federale për shtetet dhe komunitetet lokale që merren me fluksin.

Gjermania ka pranuar gjithashtu më shumë se 1 milion ukrainas që nga fillimi i luftës së Rusisë në atdheun e tyre. 

emigracioni ne gjermani

Sondazh

Poll

MË SHUMË