Bota

Hamasi: Nuk ka më lirim pengjesh derisa të përfundojë agresioni izraelit

Organizata e Hamasit bëri të ditur sot se nuk do të lirojë më pengje izraelite, përveçse sipas kushteve të veta. Sipas Reuters, shefi politik i grupit, Ismail Haniyeh, u ka paraqitur qëndrimin e Hamasit zyrtarëve të Egjiptit dhe Katarit, vende që janë përpjekur të ndërmjetësojnë një armëpushim të ngjashëm me atë në nëntor, ku u liruan pak më shumë se 100 nga 240 pengjet e marra një muaj më parë.

2 Janar 2024, 18:59 Nga A.TH

Hamasi: Nuk ka më lirim pengjesh derisa të përfundojë

Foto ilustruese

HAMAS-Shefi politik i grupit, Ismail Haniyeh, u ka paraqitur qëndrimin e Hamasit zyrtarëve të Egjiptit dhe Katarit, vende që janë përpjekur të ndërmjetësojnë një armëpushim të ngjashëm me atë në nëntor.

Haniyeh kërkoi një ndërprerje të plotë të agresionit nga Izraeli kundër palestinezëve përpara se Hamasi të shqyrtojë lirimin e mëtejshëm të pengjeve, thotë agjencia e lajmeve. Ai gjithashtu dëshiron që Izraeli t'i ndihmojë ata dhe t'u përgjigjet kërkesave të tyre të drejta.

Disa ditë më parë, Egjipti paraqiti për Hamasin dhe Izraelin një plan paqeje, i cili kalon në tre faza, por qëndrimet e dy palëve, rezistente ndaj kërkesave të negociatorëve kërkojnë arritjen e paqes përmes kushteve të tyre. Izraelit i është kërkuar që të ulë rritmin e ofensivës në Gazë, ndërsa Hamasit të lirojë pengjet e marra në sulmin e 7 tetorit të vitit të shkuar.

lufta izrael-palestine