Bota

Moska refuzon t’i japë shpjegime Polonisë, kërkon prova se raketa ishte ruse

Rreth 500 trupa polake të Mbrojtjes Territoriale po kërkojnë midis qytetit Zamosc dhe kufirit me Ukrainën për ndonjë gjurmë të objektit

30 Dhjetor 2023, 18:48 Nga A.TH

Moska refuzon t’i japë shpjegime Polonisë, kërkon prova se

wieslaw kukula

VARSHAVË- Rusia nuk do të japë asnjë shpjegim në lidhje dyshimet e ushtrisë polake se një objekt i paidentifikuar hyri përmes hapësirës ajrore në territor nfga Ukraina.

Mediat e huaja citojnë ambasadorin rus në Poloni i cili tha se më parë duhet të provohet që bëhet fjalë për një raketë ruse. Forcat mbrojtëse të Polonisë deklaruan se një objekt i panjohur fluturoi 40 kilometra brenda hapësirës ajrore të premten nga drejtimi i Ukrainës, përpara se të largohej disa minuta më vonë dhe të zhdukej nga radarët.

Kreu i forcave të armatosura polake, gjenerali Wiesław Kukuła, tha se gjithçka tregon se ishte një raketë ruse. Ministria e Jashtme e Polonisë kërkoi shpjegime nga Moska.

I ngarkuari me punë i Rusisë në Varshavë, Andrei Ordash, i tha agjencisë shtetërore ruse të lajmeve RIA Novosti të shtunën se pretendimet e Polonisë ishin të pabazuara. “Ne nuk do të japim asnjë shpjegim derisa të na paraqiten prova konkrete, sepse këto akuza janë të pabazuara”, deklaroi Ordash për RIA Novosti.

Rreth 500 trupa polake të Mbrojtjes Territoriale po kërkojnë midis qytetit Zamosc dhe kufirit me Ukrainën për ndonjë gjurmë të objektit. Kufiri i Polonisë me Ukrainën është gjithashtu kufiri i Bashkimit Evropian dhe kufiri i NATO-s me Ukrainën.

rusi poloni