Bota

Me pranga në duar, anëtari i “Agimit të Artë” del nga burgu për t’u betuar në bashkinë e Athinës

Betimi i tij vjen pasi ka marrë një leje të posaçme nga burgu i Domokos, ku po kryen dënimin me 13 vite burg si një nga drejtuesit e “Agimit të Artë”, partisë së ekstremit të djathtë që u shpall organizatë kriminale.

29 Dhjetor 2023, 11:43 Nga r.ll
Me pranga në duar, anëtari i “Agimit të Artë”
ilias kasidiaris

ATHINË- Një skenë jo shumë e zakonshme është regjistruar në Greqi, ku anëtari i “Agimit të Artë”, Ilias Kasidiaris, është betuar si këshilltar bashkiak i Athinës.

Me pranga në duar dhe i shoqëruar nga forca të shumta sigurie, Kasidaris i buzëqeshur u paraqit në bashkinë e kryeqytetit grek. Betimi i tij vjen pasi ka marrë një leje të posaçme nga burgu i Domokos, ku po kryen dënimin me 13 vite burg si një nga drejtuesit e “Agimit të Artë”, partisë së ekstremit të djathtë që u shpall organizatë kriminale.

Kasidaris e fitoi vendin e këshilltarit pasi garoi në zgjedhjet lokale të tetorit për postin e kryebashkiakut të Athinës nga burgu, duke u zotuar të ruajë identitetin e saj grek. Ai kandidoi për drejtimin e kryeqytetit nën siglën e aleancës “Athina e Lirë”, pasi në maj, Gjykata e Lartë greke bllokoi pjesëmarrjen e Partisë Kombëtare Greke të ekstremit të djathtë në zgjedhje.

ilias kasidaris athine

Sondazh

Poll

MË SHUMË