Sport

Onana shkon në Kupën e Afrikës, po rrezikon të humbë pozicionin e titullarit te United...

Portieri është përzgjedhur nga Kameruni dhe Bayindir do të ketë shansin e tij

28 Dhjetor 2023, 15:07 Nga DOSJA

Onana shkon në Kupën e Afrikës, po rrezikon të humbë

ANGLI - André Onana po kalon një fillim të vështirë te Manchester United. Edhe pse, siç thotë ai vetë, “nga portieri më i mirë në Champions League nuk kam kaluar në më të keqen”, e vërteta është se niveli i tij ka rënë ndjeshëm. 

Dyshimet e kanë pushtuar dhe rivalët e shfrytëzojnë këtë për të luajtur me nervat e tij. Në fakt, prova që një pjesë e problemit është besimi, se në lojërat refleksike ai vazhdon të jetë brilant, ndërsa në ato ku duhet të vendosë nëse do të dalë apo jo, dështon. Goli i parë i Aston Villa në Boxing Day është një shembull i kësaj.  Edhe pse nuk është një gabim serioz, kur gota është kaq e mbushur, çdo pikë do të derdhet. 

Ardhja e Kupës së Afrikës mund të jetë e mire, ose e keqe

Onana shkon në Kupën e Afrikës, po rrezikon të humbë

Nga data 13 janar deri më 11 shkurt do të zhvillohet Kupa e Afrikës, turne për të cilin André Onana është thirrur nga Kameruni. Nga njëra anë, mund të jetë një rrugë shpëtimi.  Një ndryshim mjedisi për të dalë nga situata në të cilën ndodhet në klubin e tij dhe për t'u rilidhur me portierin që ka treguar se mund të jetë. Nga ana tjetër, nëse Altay Bayındır, i cili do të zërë vendin e tij në portën e United, bën mirë, ai mund ta gjejë veten të rrëzuar në stol. 

Portieri turk do të ketë mundësinë e jetës, në “Teatrin e ëndrrave” dhe duke ditur se nëse do të bëjë mirë do të hapë edhe më shumë debatin për golin e Mançesterit. Ish-lojtarit të Fenerbahçes nuk do t'i mjaftojnë paraqitjet normale, ai do të duhet të bëjë shumë mirë sepse Ten Hag është një fans i madh i Onanës. Ai këmbënguli të paguante 50 milionët që kërkonin për kamerunasin, i cili i kishte dhënë shumë gëzim te Ajax dhe tek i cili ka besim të verbër. Deri në atë pikë sa nuk e vlerësoi mjaftueshëm De Gean, një institucion në Premier League. 

Bayindir (25), një sulmues që u kthye në portier

Onana shkon në Kupën e Afrikës, po rrezikon të humbë

Ndërkombëtari turk tashmë është mësuar të performojë në situata “të papritura”. Ai nuk ka qenë gjithmonë portier. “Fillimisht nuk kam luajtur kurrë në pozicionin e portierit. Në realitet, unë kam qenë një sulmues. Pozicioni im i parë ishte mbrojtës dhe më pas sulmues.

Kur luaja për Bursasporin, i cili ishte klubi im i parë kur isha fëmijë, isha mbrojtës. Një ditë, portieri nuk shkoi në stërvitje. Trajneri e pa që isha i gjatë dhe më dërgoi në portë. I thashë se doja të luaja si sulmues, apo mbrojtës, por ai më tha se donte të më provonte atje. Në fund u ndjeva mirë.

Të gjithë lojtarët kanë të njëjtën fanelë, por ajo e portierit është e ndryshme. Ndihet mirë, sepse kur vjen topi dhe e kap ose e ruan nga një penalti, je hero”.

B.T (Dosja.al)

Sondazh

Poll

Sport 28 Dhjetor 2023, 10:30

Gjesti Hulk vlerësohet në Brazil…

BRAZIL - Gjatë pushimeve në Paraíba, sulmuesi brazilian Hulk i është përkushtuar stërvitjes së përditshme fizik...

MË SHUMË