Sport

“Mallkimi” i Chelsea: Debutoi 4 muaj pasi nënshkroi për 62 milionë dhe... dëmtohet!

Romeo Lavia vendosi të bashkohej me “Blutë” në verë, por luajti minutat e para kundër Crystal Palace

28 Dhjetor 2023, 14:48 Nga DOSJA
“Mallkimi” i Chelsea: Debutoi 4 muaj pasi nënshkroi për 62
Romeo Lavia, lojtar i Southampton sezonin e kaluar

ANGLI - Gjithçka shkon mbrapsh për Chelsean. Nuk ka asnjëherë një ditë të qetë në “Stamford Bridge” dhe pavarësisht se ata arritën të fitonin ndaj Crystal Palace, lajmi i keq i përditshëm është më se i plotësuar. 

Me këtë rast, viktima është Romeo Lavia, një yll i transferuar nga vera e kaluar pas një pagese prej 62 milionë eurosh për ta rrëmbyer nga Liverpooli. Mesfushori 19-vjeçar bëri debutimin e tij pikërisht kundër Palace, katër muaj pas nënshkrimit, duke luajtur gjysmën e fundit të lojës, pasi kishte kapërcyer problemet me kaviljen që e kishin mbajtur jashtë fushës. 

Megjithatë, duket se do të duhet kohë që tifozët e Chelseat të shohin sërish Lavian në aksion. Mesfushori u dëmtua, pasi hyri në vend të Ian Maatsen dhe nuk mundi as ta përfundonte ndeshjen siç duhet. 

"Jam pak i shqetësuar për Lavian. Ai përfundoi me disa probleme, shpresoj të mos jetë një problem serioz," -shpjegoi Pochettino pas fishkëllimës së fundit. Tani, duket se mesfushori ka një dëmtim muskulor, përmasat e të cilit ende nuk dihen, por e sigurt është se ai nuk do të shihet të luajë këtë të shtunë kundër Luton Town (13:30). 

B.T (Dosja.al)

Sondazh

Poll

Sport 28 Dhjetor 2023, 10:30

Gjesti Hulk vlerësohet në Brazil…

BRAZIL - Gjatë pushimeve në Paraíba, sulmuesi brazilian Hulk i është përkushtuar stërvitjes së përditshme fizik...

MË SHUMË