Bota

Shpërthen cisterna me gaz në Liberi, mbi 40 persona humbin jetën nga zjarri (VIDEO)

Mjekët thanë se më shumë se 83 njerëz ishin paraqitur në spital për lëndimet e tyre pas tragjedisë së së martës.

28 Dhjetor 2023, 11:27 Nga r.ll
Shpërthen cisterna me gaz në Liberi, mbi 40 persona humbin jetën
foto nga shperthimi

LIBERI- Më shumë se 40 njerëz kanë vdekur pasi një cisternë karburanti u rrëzua dhe shpërtheu në flakë në Liberinë qendrore, tha shefi i mjekësisë së vendit, Francis Kateh. Cisterna u përmbys përgjatë një rruge në qytetin Totota, rreth 130 km nga kryeqyteti, Monrovia.

Automjeti shpërtheu në flakë menjëherë pasi njerëzit nxituan në vend për të marrë karburant nga cisterna, thanë dëshmitarët okularë, shkruan BBC.

Një grua shtatzënë ishte mes të vdekurve dhe disa prej trupave u kthyen në hi. Mjekët thanë se më shumë se 83 njerëz ishin paraqitur në spital për lëndimet e tyre pas tragjedisë së së martës.

Pamjet video tregojnë se një numër i madh njerëzish, përfshirë fëmijë, ishin mbledhur rreth cisternës pasi ajo u përmbys. Disa kishin kova dhe kazanë dhe të tjerët ishin në majë të cisternës kur ajo shpërtheu në flakë.

Presidenti i Liberisë, George Weah, ka shprehur ngushëllimet e tij për familjet e të vdekurve, duke thënë se imazhet e tragjedisë i ka gjetur "thellësisht shqetësuese", thotë zyra e tij.

Weah u ka dhënë autoriteteve shëndetësore "mbështetjen e tij të plotë për të rritur fuqinë punëtore dhe pajisjet aty ku është e nevojshme në përpjekjet e tyre të furishme për të shpëtuar jetë", shton deklarata.

shperthim ne liberi

Sondazh

Poll

MË SHUMË