Bota

VOA: Ushtria amerikane rrëzon dronë të lëshuar nga zonat që kontrollohen nga grupi Houthi

Militantët e grupit Houthi të lidhur me Iranin, të cilët kontrollojnë pjesën më të madhe të Jemenit, kanë ndërprerë tregtinë botërore për javë të tëra duke kryer sulme ndaj anijeve që kalojnë përmes ngushticës Bab al-Mandab, në skajin jugor të Detit të Kuq, sulme që ata thonë se po i bëjnë në shenjë hakmarrje ndaj luftës së Izraelit në Gazë.

24 Dhjetor 2023, 17:14 Nga h.k
VOA: Ushtria amerikane rrëzon dronë të lëshuar nga zonat
Foto ilustruese

SHBA-Shtetet e Bashkuara rrëzuan katër dronë që kishin si objektiv destrojerin amerikan në Detin e Kuq. Dronët ishin lëshuar të shtunën nga zonat e kontrolluara nga grupi Houthi i Jemenit, tha Komanda Qendrore e Shteteve të Bashkuara.

"Ky është rasti i 14 ose 15 që militantët Houthi kryejnë sulme ndaj anijeve tregtare që prej 17 tetorit", njoftoi ushtria amerikane përmes një postimi në rrjetin X.

Militantët e grupit Houthi të lidhur me Iranin, të cilët kontrollojnë pjesën më të madhe të Jemenit, kanë ndërprerë tregtinë botërore për javë të tëra duke kryer sulme ndaj anijeve që kalojnë përmes ngushticës Bab al-Mandab, në skajin jugor të Detit të Kuq, sulme që ata thonë se po i bëjnë në shenjë hakmarrje ndaj luftës së Izraelit në Gazë.

Komanda Qendrore e Forcave Detare të Shteteve të Bashkuara tha se iu përgjigj thirrjeve për rrezik nga ana e dy anijeve që u vunë nën sulm. Tre ditë më parë Shtetet e Bashkuara nisën një operacion që mbështetet nga dhjetra vende për patrullime të përbashkëta në ujrat e Detit të Kuq, afër Jemenit.

ushtria amerikane

Sondazh

Poll

MË SHUMË