Sport

Dortmundi me dy fytyra! Emre Can pas eliminimit nga Kupa e Gjermanisë: “Është fatkeqësi, nuk mund të vazhdojmë kështu”

"Verdhezinjtë" humbën ndaj Stuttgartit në Kupën e Gjermanisë dhe janë 10 pikë prapa liderit të Bundesligës

7 Dhjetor 2023, 10:03 Nga DOSJA
Dortmundi me dy fytyra! Emre Can pas eliminimit nga Kupa e Gjermanisë:

GJERMANI - Sezoni i Dortmundit po bëhet një slitë. Në Champions League ai i ka befasuar të gjithë, duke udhëhequr ‘grupin e vdekjes’ me PSG-në, Newcastle-n dhe Milan-in kur e nisën, apriori si skuadrën më të dobët. Megjithatë, në garat kombëtare Borussia Dortmund është zhgënjimi i madh në Gjermani.

Skuadra e Terzic-it u eliminua dje nga DFB Pokal, pasi humbi ndaj Stuttgartit me rezultatin 2-0. Një zhgënjim shumë më i madh duke pasur parasysh se Bayern Munich ishte eliminuar çuditërisht në raundin e kaluar kundër një ekipi të kategorisë së tretë. 

Një zhgënjim që u bë i dukshëm nga kapiteni i tij, Emren Can, në fund të lojës. "Ne jemi Borussia Dortmund, gjërat nuk mund të vazhdojnë kështu. Ishte një fatkeqësi futbolli ," komentoi gjermani.

Can ishte shumë autokritik me shokët e tij dhe pranoi se "çdo lojtar duhet të shikojë veten e tij, unë së pari," pranoi ai. "Ne shtypim shumë pak dhe nuk jemi mjaftueshëm të guximshëm me topin. Jemi gjithmonë nën presion, sepse rivali po bën shumë më mirë. Duhet të bashkohemi sepse gjërat nuk mund të vazhdojnë kështu."

Ky eliminim i hershëm nga kupa shoqërohet nga një fillim i komplikuar i Bundesligës. Në vetëm 13 ndeshje, Dortmundi është tashmë 10 pikë prapa liderit, Bayer Leverkusen. Pasi luftuan vitin e kaluar deri në ditën e fundit krah për krah me Bayernin, duket se lufta e tyre do të jetë për të kaluar në Champions League sezonin e ardhshëm.

B.T (Dosja.al)

Sondazh

Poll

MË SHUMË