Sport

Finalja e Champions League u shit për 2.4 miliard euro!

Presidenti i UEFA-s Ceferin gati kundërsulmin ndaj skuadrave rebele të SUperligës Europiane!

4 Dhjetor 2023, 23:46 Nga DOSJA
Finalja e Champions League u shit për 2.4 miliard euro!

ABU DHABI - Të paktën një finale e Ligës së Kampionëve deri në vitin 2030 do të luhet në Abu Dhabi pasi UEFA nënshkroi një marrëveshje bashkëpunimi prej 2.4 miliardë eurosh me qeverinë e Emirateve të Bashkuara Arabe si pjesë e një lufte kundër Superligës Europiane që disa klube morën përsipër të organizojnë.

Sipas mediave spanjolle në këtë marrëveshje përfshihen edhe të drejtat e transmetimit të UEFA-s për kompeticionin, kështu që ndeshja e Kampionatit Evropian së shpejti mund të zhvendoset në Emiratet. Kjo histori e bujshme është publikuar nga e përditshmja spanjolle “OK Diario”.

Sipas të njëjtave burime, negociatat mes ekipit të marketingut të UEFA-s dhe Ministrisë së Kulturës dhe Turizmit të Emirateve të Bashkuara Arabe kanë zgjatur me muaj dhe më në fund është arritur një marrëveshje, e cila u miratua përfundimisht nga autoritetet më të larta, presidenti i UEFA-s, Alexander Ceferin dhe kryeministri i Emirateve. Muhamed bin Rashid Al Maktoum .

Pretendohet se së shpejti do të nënshkruhet një kontratë gjashtëvjeçare për shpërndarjen e të drejtave televizive për garat e UEFA-s, e cila do të jetë e vlefshme deri në vitin 2030, dhe ndërkohë, Abu Dhabi, si qytet që aktualisht drejtohet nga familja mbretërore Bin Zayed, do të shpalluet si një ngavendet pritëse të finales së Ligës së Kampionëve.

Madje spanjollët deklarojnë se kjo kontratë në fakt është pasojë e humbjes së pritshme të UEFA-s në çështjen ndaj klubeve që organizojnë Superligën e famshme përpara Gjykatës së Drejtësisë së Bashkimit Evropian në Luksemburg, pas së cilës Real Madrid, Barcelona dhe Juventus (si tre klubet e mbetura në Superligën e formuar). Këto klube po kërkojnë dhe po këmbëngulin që projekti I nisur të përfundojë. Supozohet se katër klubet e Pro Ligës Saudite do të jenë pjesë e Superligës së ardhshme dhe se “të arratisurit” europianë do të marrin një buxhet të madh nga princat sauditë për të zhvilluar këtë kompeticion global, të gjitha me mbështetjen e heshtur të FIFA-s.

Kjo është arsyeja pse, thuhet në tekst, Ceferin dëshiron të sigurojë sa më shumë para, kushte më të mira dhe një grup më të madh garuesish, në mënyrë që UEFA të ketë diçka për të "mbrojtur" kundër sulmeve të lobistëve të Superligës. Kontrata duhet të zyrtarizohet më 8 shkurt 2024, në mbledhjen e Komitetit Ekzekutiv të UEFA-s. 

B.T (Dosja.al)

Sondazh

Poll

MË SHUMË