Politike

Marrëveshja Itali-Shqipëri/ Zyrtari i qeverisë italiane: Refugjatët mund të mbahen në qendra deri në 18 muaj

Mes të tjerash, zyrtari tha se qeveria është e gatshme të bashkëpunojë me opozitën italiane për ta bërë marrëveshjen edhe më efektive edhe nëse kjo marrëveshje nuk kërkon ratifikim në parlament.

10 Nëntor 2023, 09:46 Nga r.ll
Marrëveshja Itali-Shqipëri/ Zyrtari i qeverisë italiane:
edi rama dhe giorgia meloni

ITALI- Nënsekretari për zbatimin e programit të qeverisë në Itali, Giovanbattista Fazzolari ka folur për marrëveshjen mes Shqipërisë dhe Italisë për refugjatët. 

Ai tha se maksimumi i lejuar nga ligji italian që emigrantët të mbahen në qendrat e pritjes është 18 muaj dhe më pas riatdhesohen.

Sipas tij edhe në Shqipëri do të ndodhë e njëjta gjë me emigrantët që do të vijnë nga pranvera e vitit 2024, ku edhe do të parashikohen procedura të përshpejtuara në mënyrë që brenda 28 ditëve qeveria italiane t’u përgjigjet kërkesës së tyre për azil.

Nëse nuk e përfitojnë diçka të tillë, atëherë, do të mbahen në ato qendra të ngritura deri në 18 muaj, shkruajnë mediat italiane. 

“Kështu, për 3 mijë emigrantët që do të mbërrijnë nga Lampedusa në vitin 2024 në anën tjetër të Adriatikut, do të parashikohen “procedura të përshpejtuara” në mënyrë që “në 28 ditë – tha Fazzolari – të mund t’i përgjigjemi kërkesës. Më pas, megjithatë, ata që nuk kanë të drejtë mund të mbahen në paraburgim deri në 18 muaj në pritje të riatdhesimit“- u shpreh Fazzolari.

Mes të tjerash, zyrtari tha se qeveria është e gatshme të bashkëpunojë me opozitën italiane për ta bërë marrëveshjen edhe më efektive edhe nëse kjo marrëveshje nuk kërkon ratifikim në parlament. Ai shtoi se të gjithë sulmet ndaj marrëveshjes në Itali po bëheshin nga forcat e majta.

“Debat parlamentar për marrëveshjen? Pse jo, ne jemi të gatshëm të mendojmë së bashku me të gjithë për ta bërë atë edhe më efektiv” edhe nëse nuk kërkon ratifikim parlamentar sepse nuk është një traktat i ri ndërkombëtar ndërmjet Italisë dhe Shqipërisë. Breshëria e marrëveshjes erdhi vetëm nga e majta. Por juristë të rëndësishëm kanë thënë se ajo respekton plotësisht legjitimitetin dhe asnjë koment i veçantë nuk ka ardhur nga BE-ja”- tha Fazzolari.

giovanbattista fazzolari shqiperia marreveshje me italine per emigrantet

Sondazh

Poll

MË SHUMË