Politike

Drafti për Asosacionin/ Berisha për Ramën: Argat i Vuçiç, bëri shërbimin e radhës

Po ashtu Berisha ka kujtuar kohën kur draftin e Ramës për Asociacionin e refuzuan publikisht si Kurti ashtu dhe Vuçiç.

2 Nëntor 2023, 23:03 Nga I.A
Drafti për Asosacionin/ Berisha për Ramën: Argat i
Sali Berisha

TIRANË- Kryedemokrati Sali Berisha, ka komentuar takimet e 26 tetorit e kryeministrit të Kosovës, Albin Kurti dhe presidentit serb, Aleksandar Vuçiç me liderët evropianë në Bruksel. Berisha theksoi se Kurti e pranoi, por Vuçiç refuzoi ta nënshkruajë marrëveshjen gjatë takimit. Por sipas Berishës, kjo gjë ndryshoi, pasi presidenti serb thirri në ndihmë kryeministrin Rama. Po ashtu Berisha ka kujtuar kohën kur draftin e Ramës për Asociacionin e refuzuan publikisht si Kurti ashtu dhe Vuçiç.

Postimi i Plotë:

Vuçiçi, argati i tij, apo lideri global i 1 prillit. Miq, një javë më parë në Bruksel udhëheqësit më të lartë të BE thirrën Kryeministrin e Kosovës Albin Kurti dhe Presidentin Serbomadh Vuçiç, të cilëve ju kërkuan: Kurti të miratojë sipas draftit që paraqitën krijimin e Asociacionit të Komunave me shumicë serbe në Kosovë dhe Vuçiç të njohë de facto Kosovën.

Kryeministri Kurti pranoi kërkesën e tyre kurse Vuçiç e refuzoi atë. Por si tinzar sapo u kthye në Beograd për t’i shpëtuar presioneve si gjithnjë, shpalli zgjedhjet parlamentare për të forcuar pushtetin e tij putinist.
Pas kësaj ai thirri në ndihmë argatin e tij në Tiranë, i cili si lider global i 1 prillit një javë pas takimit të Brukselit deklaroi se drafti i Asocacionit dorzuar Kurtit në Bruksel ishte ai që muaj më parë ju kishte dërguar udhëheqësve europian. Mirëpo në ate kohë draftin e tij për Asocacionin në të vërtetë e refuzuan publikisht si Kurti ashtu dhe Vuçiç.

Por sot ky pohim i liderit global të 1 prillit u përgënjeshtrua nga Prishtina. Pra ky ishte bllofi i tij i rradhës. Këtu nuk ka asgjë të re. Po jo! Qëllimi i deklaratës së djeshme të Edi Ramës ishte vetëm një: të justifikojë refuzimin e Vuçiçit për draftin e Asocacionit si draft i Tiranës dhe ky është shërbimi i rradhës që argati i bën padronit të tij!

sali berisha

Sondazh

Poll

MË SHUMË