Art&Argëtim

Konkurentja akuzon emisionin e Netflix: Nuk reaguan për sulmet seksuale ndaj meje

Tran Dang tha se ajo u sulmua seksualisht në shesh nga ish i fejuari i saj dhe se kompania e prodhimit nuk bëri asgjë për ta parandaluar atë.

9 Tetor 2023, 16:13 Nga I.A
Konkurentja akuzon emisionin e Netflix: Nuk reaguan për sulmet seksuale
Love is blind

SHBA- Një konkurente nga sezoni 5 i reality show-t hit të Netflix, Love Is Blind, po padit kompaninë e prodhimit Kinetic Content, për sulm, ndalim të padrejtë dhe neglizhencë. Tran Dang tha se ajo u sulmua seksualisht në shesh nga ish i fejuari i saj dhe se kompania e prodhimit nuk bëri asgjë për ta parandaluar atë.

Ajo gjithashtu pretendon se u mbajt kundër vullnetit të saj gjatë xhirimeve të emisionit për takime dashurie. Krijuesi i Love Is Blind, Chris Coelen, u përgjigj se produksioni nuk u informua kurrë se Dang ndihej e pasigurt ose kishte përjetuar ndonjë nga shkeljet e supozuara. Ai shprehet se nëse do të ishin ngritur shqetësime të tilla, do të kishin marrë masa të menjëhershme për t'i adresuar ato.

Kinetic Content dhe Delirium TV, kompanitë e prodhimit, lëshuan një deklaratë të përbashkët duke mohuar akuzat dhe duke theksuar se pjesëmarrësit e shfaqjes bëjnë zgjedhje të pavarura dhe mund të largohen nga shfaqja në çdo kohë. Në deklaratën e tyre ata pretendojnë se Dang nuk i ka informuar kurrë prodhuesit për ndonjë gjë problematike gjatë pjesëmarrjes së saj në emision. Padia e Dang thotë gjithashtu se pjesëmarrësit u izoluan qëllimisht për dy javë, pa akses në sendet e tyre personale. 

tran dang love is blind chris coelen

Sondazh

Poll

MË SHUMË