Aktualitet

'Ne studimet nuk i lëmë'/ Studentët e mjekësisë bllokojnë kryqëzimin te '9-katëshet', marshojnë drejt Ministrisë së Arsimit

Studentët gjithashtu në protestën e sotme kanë paralajmëruar se do të bojkotojnë procesin mësimor edhe javën e ardhshme. 

9 Tetor 2023, 10:36 Nga a.l
'Ne studimet nuk i lëmë'/ Studentët e
Studentet

TIRANË- Mes thirrjeve 'ne studimet nuk i lëmë, por dorëheqja duhet dhënë', protesta e studentëve të mjekësisë është zhvendosur drejt kryqëzimit te '9-katëshet' duke bllokuar qarkullimin e automjeteve. 

Ata pritet të mblidhen para Ministrisë së Arsimit, teksa kërkojnë një përballje me ministren Ogerta Manastirliu si dhe dorëheqjen e saj nëse nuk u jepet zgjidhje për kërkesat e tyre. 

Studentët gjithashtu në protestën e sotme kanë paralajmëruar se do të bojkotojnë procesin mësimor edhe javën e ardhshme. 

Pse po protestojnë studentët e mjekësisë?

Për dy javë rresht, dhjetëra studentë të mjekësisë kanë bojkotuar mësimin, duke protestuar para Universitetit të tyre si dhe para Kuvendit, ndërsa sot janë zhvendosur para Ministrisë së Arsimit duke kërkuar anulimin e një projekt-ligji, që parashikon punësimin e tyre të detyruar deri në 5 vjet pas përfundimit të studimeve. Projekt-ligji u kërkon studentëve të mjekësisë që të nënshkruajnë një marrëveshje, sipas të cilës, ata do ta tërheqin diplomën e studimeve pas një punësimi 5-vjeçar në sistemin shëndetësor shqiptar. Por studentët deklaruan gjatë protestës, që nëse nisma nuk anullohet, ata do të bojkotojnë vitin akademik. Projekt-ligji parashikon një marrëveshje me studentët e Mjekësisë, që ata të punojnë deri në 5 vite brenda vendit pas përfundimit të studimeve, në sektorin publik dhe atë privat. Edhe diplomën ata mund ta marrin vetëm pas punësimit 5 vite në sistemin shëndetësor shqiptar pas mbarimit të studimeve. 

protesta e studenteve te mjekesise

Sondazh

Poll

MË SHUMË