Sport

Leo Messi, i dyshimtë edhe ndaj New York City për shkak të problemeve muskulare...

Leo Messi, i cili humbi finalen e US Open Cup për shkak të dëmtimit të mërkurën, është në dyshim edhe për ndeshjen kyçe të MLS-së këtë të shtunë, në të cilën Inter Miami do të presë New York City.

29 Shtator 2023, 17:24 Nga DOSJA
Leo Messi, i dyshimtë edhe ndaj New York City për shkak të

SHBA - Leo Messi, i cili humbi finalen e US Open Cup për shkak të dëmtimit të mërkurën, konsiderohet si i dyshimtë për edhe për ndeshjen kyçe të MLS-së këtë të shtunë, në të cilën Inter Miami do të presë New York City.

Argjentinasi Javier Morales, ndihmës i trajnerit Gerardo Martino në skuadrën e Majamit, konfirmoi këtë të premte për mediat se numri 10 i ‘albicelestëve’ vazhdon të përballet me problemet e muskujve.

Morales tha se me Messin takohen “ditë për ditë” dhe shpjegoi se ai do të stërvitet dhe do të “testohet” këtë të premte, ku atje do të shohin “nëse ai do të jetë në dispozicion për nesër”. Nga ana tjetër, trajneri përjashtoi për ndeshjen e kësaj fundjave Jordi Alba, i cili ka një dëmtim muskulor.

Skuadrës së Majamit i kanë mbetur edhe pesë ndeshje në MLS për t'u përpjekur të ngjitet në pozicione dhe të hyjë në “play-off” të ligës. E para nga ato ndeshje është këtë të shtunë kundër New York City, në një duel të drejtpërdrejtë me një ekip tjetër që lufton për të hyrë në “play-off”.

Inter Miami ka 32 pikë pas 29 ndeshjesh në MLS ndërsa New York City, i nënti në Lindje (vendi i fundit për t'u kualifikuar në “play-off”), ka 37 pikë pas 31 ndeshjesh.

Dëmtimi i Leo Messit ka shkurtuar serinë e shkëlqyer që Inter Miami po përjetonte që nga ardhja e “Pleshtit”, i cili shënoi 11 gola në 12 ndeshje dhe çoi ekipin rozë drejt titullit të parë në historinë e tyre të shkurtër (Kupën e Ligës) në gusht.

Martino, pas finales së së mërkurës, theksoi se nuk donin të rrezikonin me Messin. “Duke filluar nga sot ne do të shkojmë lojë pas ndeshje duke përcaktuar situatën për të parë kur departamenti mjekësor do të na thotë se ai është i aftë për të luajtur pa rrezikuar,"- shtoi ai.

B.T (Dosja.al)

Sondazh

Poll

MË SHUMË