Aktualitet

Siguroi kushtet për të vrarë tre persona, arrestohet i shumëkërkuari në Pogradec (EMRI)

24 Shtator 2023, 13:43 Nga f.i
Siguroi kushtet për të vrarë tre persona, arrestohet i
pamje nga arrestimi

POGRADEC-Një 41-vjeçar ka rënë në prangat e policisë së Pogradecit, pasi akuzohet se kishte planifikuar vrasjen e 3 personave me të cilët thuhet se kishte konflikt. Në pranga është vënë Lorenc Kuqo.

Njofimi i policisë:

Siguroi kushtet dhe mjetet materiale, për të vrarë në një lokal, 3 shtetas me të cilët ishte konfliktuar për motive të dobëta, në vitin 2017, vihet në pranga 41-vjeçari. Specialistët për Hetimin e Krimeve të Komisariatit të Policisë Pogradec bënë ekzekutimin e urdhrit të Prokurorisë, për ndalimin e shtetasit në kërkim:

-Lorenc Kuqo, 41 vjeç, banues në fshatin Rëmenj, Pogradec.

Ndalimi i këtij shtetasi u bë pasi Gjykata e Lartë e ka dënuar me 7 vjet e 3 muaj burgim, për veprat penale "Sigurimi i kushteve dhe i mjeteve materiale për të kryer vrasje" dhe "Mbajtja pa leje dhe prodhimi i armëve, armëve shpërthyese dhe i municionit", nga të cilat i kanë mbetur për të vuajtur 3 vjet e 3 muaj.

Ngjarja/Më datë 25.04.2017, 41-vjeçari, pas konflikteve për motive të dobëta me 3 shtetas, kishte planifikuar që ti vriste ata. Ndërhyrja në kohë e Policisë, parandaloi ngjarjen e rëndë, që ishte planifikuar të ndodhte në ambientet e një lokali. Në cilësinë e provës materiale u sekuestruan 1 automatik kallashnikov, 1 automjet dhe 1 kapuç (maskë), që i posedonte shtetasi Lorenc Kuqo.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

lorenc kuqo arrestim ne pogradec

Sondazh

Poll

MË SHUMË