Aktualitet

Shfrytëzonte fëmijët e saj të mitur për të lypur, kanosi me fjalë punonjësen sociale, procedohet 37-vjeçarja në Tiranë

37-vjeçarja është konstatuar në rrugën "Dritan Hoxha", së bashku me 4 fëmijët e saj të mitur, të cilët i kishte nxjerrë për të lypur.

16 Shtator 2023, 10:08 Nga A.B
Shfrytëzonte fëmijët e saj të mitur për të lypur,
Foto ilustruese

TIRANË- Një 37-vjeçare është proceduar nga Policia e Tiranës pasi shfrytëzonte fëmijët e saj të mitur për të lypur, si dhe kanosi me fjalë punonjësen sociale.

37-vjeçarja është konstatuar në rrugën "Dritan Hoxha", së bashku me 4 fëmijët e saj të mitur, të cilët i kishte nxjerrë për të lypur. Gjithashtu, 37-vjeçarja, ka kanosur me fjalë, punonjësen sociale. Kontrollet kundër kësaj paligjshmërie do të vijojnë në të gjithë kryeqytetin.

Gruaja në fjalë do të hetohet për veprat penale “Keqtrajtimi i të miturit” dhe "Kanosja".

NJOFTIMI I POLICISË:

Shfrytëzonte fëmijët e saj të mitur për të lypur, si dhe kanosi me fjalë punonjësen sociale, procedohet penalisht 37-vjeçarja. Shërbimet e Komisariatit të Policisë Nr. 3, në zbatim të planit të masave, për parandalimin e rasteve të fëmijëve në situatë rruge, të cilët shfrytëzohen për të lypur, kanë vijuar kontrollet intensive dhe kanë evidentuar një rast të kësaj paligjshmërie. Në vijim të veprimeve u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasen N. R., 37 vjeçe, për veprat penale “Keqtrajtimi i të miturit” dhe "Kanosja".

Kjo shtetase është konstatuar në rrugën "Dritan Hoxha", së bashku me 4 fëmijët e saj të mitur, të cilët i kishte nxjerrë për të lypur. Gjithashtu, 37-vjeçarja, ka kanosur me fjalë, punonjësen sociale. Kontrollet kundër kësaj paligjshmërie do të vijojnë në të gjithë kryeqytetin. Drejtoria Vendore e Policisë Tiranë fton qytetarët që nëse do të konstatojnë raste të fëmijëve në situatë rruge, të telefonojnë në numrin pa pagesë 112. Gjithashtu apelon për të gjithë prindërit dhe kujdestarët e fëmijëve që të mos i shfrytëzojnë ata për këtë aktivitet, pasi do të përballen me ligjin.

tirane keqtrajtim femijesh

Sondazh

Poll

MË SHUMË