Sport

Mata prezantohet te Vissel Kobe: "Jam krenar që ndjek hapat e Villa dhe Iniesta"

Spanjoli ka refuzuar ofertat e rëndësishme nga Lindja e Mesme për të luajtur në Japoni

3 Shtator 2023, 13:49 Nga DOSJA
Mata prezantohet te Vissel Kobe: "Jam krenar që ndjek hapat e Villa

SPANJE - Juan Mata, kampioni i ligës turke sezonin e kaluar me Galatasaray, do të vazhdojë karrierën e tij në Vissel Kobe, i njëjti klub ku shërbyen Andrés Iniesta dhe David Villa.

"Ndihem shumë krenar që mund të nënshkruaj për Vissel Kobe, ku kanë nënshkruar lojtarë dhe miq të mëdhenj si Iniesta dhe Villa. Krenar që ndjek hapat e tyre. Gjithashtu kam miq edhe Bojan apo Samper, të cilët flasin shumë për këtë klub", theksoi ai në prezantimin e tij

Me idenë për të vazhduar luftën për tituj (Vissel Kobe është i dyti në J-League) Mata u prezantua para ndeshjes midis ekipit të tij të ri dhe Kyoto Sanga. “Unë dua shumë të luaj para tifozëve në këtë stadium. Do të jap gjithçka që të fitojmë titullin”, ka nënvizuar spanjoli.

Ish-lojtari i Valencia, Chelsea apo Manchester United kishte oferta të rëndësishme nga liga të ndryshme në Lindjen e Mesme... por më në fund ka zgjedhur J-League. Do të jetë përvoja e tij e parë larg Kontinentit të Vjetër dhe ardhja e tij në Japoni ka krijuar pritshmëri të mëdha.

Konferenca për shtyp për prezantimin e ndërkombëtarit spanjol u zhvillua para ndeshjes mes Vissel Kobe dhe Kyoto Sanga. Më pas, Juan ishte në gjendje të përshëndeste fansat e tij të rinj për herë të parë. Pritet që ai të debutojë pas pushimit ndërkombëtar.

 
 
 
 
 
View this post on Instagram
 
 
 
 
 
 
 
 
 
 
 

A post shared by VISSEL KOBE | ヴィッセル神戸 (@visselkobe)

B.T (Dosja.al)

Sondazh

Poll

MË SHUMË