Sport

Veprim befasues i ndërkombëtarit të Gjermanisë. Ai erdhi, pa qytetin dhe iku!...

Leeds United po kërkon përforcime pas rënies nga Premierliga, teksa i ka bërë një fillim të dobët sezonit të ri në Championship. Nadiem Amiri nga Bayer Leverkusen, fluturoi me një avion privat dhe erdhi në Leeds, por... papritur ndryshoi mendje.

30 Gusht 2023, 09:30 Nga DOSJA
Veprim befasues i ndërkombëtarit të Gjermanisë. Ai erdhi, pa

ANGLI - Nadiem Amiri ishte në prag të një transferimi nga Bayer Leverkusen te Leeds United. Klubet ranë dakord për një transferim të përhershëm, lojtari dhe familja e tij erdhi në Angli dhe dukej se nënshkrimi i kontratës ishte çështje kohe.

Amiri duhej të ndërronte Bundesligën për Championship për 5 milionë paundë. Pesë herë ndërkombëtari gjerman fluturoi në Leeds me avion privat, foli, ndër të tjera, me trajnerin, vizitoi qendrën stërvitore të klubit, vizitoi qytetin. Dhe në një moment ai ndryshoi mendje, iku për në Gjermani…

Ky supozohej të ishte prioriteti i trajnerit Daniel Farke, i cili po kërkon dëshpërimisht përforcime në fund të afatit kalimtar. Ai do të nënshkruante një kontratë katërvjeçare që do t'i garantonte paga më të larta se te Bayer Leverkusen.

Në pjesën e fundit, Amiri vendosi se nuk donte të shkonte në Leeds në fund të fundit, gjë që tronditi të gjithë në klub. Sipas “Daily Mail”, Amiri kishte dyshimet e tij, pasi Leeds nuk është në formë të mirë në fillim të sezonit 2023/24. Në katër javë, skuadra ka vetëm pesë pikë. Një argument shtesë kundër lëvizjes, do të ishte edhe lindja e planifikuar e një fëmije në dy javët e ardhshme.

Tani të dy anët janë vendosur kundër murit. Amiri nuk ka çfarë të kërkojë te Leverkusen (ka luajtur një minutë këtë sezon), ndërsa Leeds ka nevojë për përforcime pas rënies nga Premierliga dhe në fund të fundit, afati kalimtar mbyllet në mesnatën e së premtes.

B.T (Dosja.al)

Sondazh

Poll

MË SHUMË