Sport

Liverpool nuk do ta shesë Mohamed Salah, pavarësisht ofertës saudite…

Në “Anfield” janë të bindur se ndërkombëtari egjiptian nuk është në shitje

24 Gusht 2023, 18:51 Nga DOSJA
Liverpool nuk do ta shesë Mohamed Salah, pavarësisht ofertës

ANGLI - Thashethemet janë të shumta këtë javë se Mohamed Salah do të jetë ylli i radhës që do të luajë në Arabinë Saudite, duke forcuar skuadrën e Al Ittihad. 

Gazetari i njohur David Ornstein gjithashtu njoftoi interesimin e Al Ittihad për yllin e Liverpool.  Ndërkombëtari egjiptian është një pjesë kyçe e skuadrës së Jurgen Klopp dhe ka deklaruar se do të qëndrojë në “Anfield”, por mund të tundohet nga paga serioze e sauditëve.

Megjithatë, Liverpool janë të bindur se Salah nuk është në shitje, pavarësisht se sa do të ofrojë klubi saudit, raporton Neil Jones. Gazetari konsiderohet si një nga përfaqësuesit më të afërt të mediave me “Reds”. Merseysiders janë vendosur të refuzojnë ofertat nga Al Ittihad, kështu që një marrëveshje para fundit të kësaj vere duket e pamundur.

Më herët sot, media “FourFourTwo” shkroi se Salah po i afrohej Arabisë Saudite.  Liverpool tashmë ka shitur dy lojtarë në ligë këtë verë, Fabinhon dhe Jordan Henderson. 

Sipas “Arriyadiyah”, Mo Salah po shqyrton seriozisht një ofertë mega parash nga Al-Ittihad dhe së shpejti mund të transferohet në ligën e Arabisë Saudite si ylli i ardhshëm i madh i futbollit që do të luajë në Lindjen e Mesme.

B.T (Dosja.al)

Sondazh

Poll

MË SHUMË