Bota

"Situata me Kosovën mbetet sfidë", RAPORTI i BE-së për Serbinë: Urrejtje, sulme ndaj gazetarëve dhe mohim i lirisë së fjalës

3 Gusht 2023, 08:34 Nga f.i

"Situata me Kosovën mbetet sfidë", RAPORTI i BE-së

Aleksandër Vuçiç

SERBI- Në raportin e fundit të Bashkimit Evropian për të drejtat e njeriut dhe demokracinë në botë për vitin 2022, Serbia kritikohet më së shumti për mungesën e progresit në lirinë e shprehjes

“Pamje e përgjithshme e gjendjes së të drejtave të njeriut dhe demokracisë: legjislacioni i Serbisë dhe korniza institucionale për ruajtjen e të drejtave themelore është krijuar në masë të madhe. Kjo kornizë duhet të zbatohet në mënyrë të vazhdueshme dhe efektive. Serbia ka miratuar strategji të reja për luftën kundër diskriminimit dhe përfshirjes së romëve, si dhe plane veprimi për barazinë gjinore. Serbia duhet të forcojë institucionet e të drejtave të njeriut duke ndarë burimet e nevojshme financiare dhe njerëzore dhe duke vendosur procedura në përputhje me vendimet e Gjykatës Evropiane të të Drejtave të Njeriut, si dhe me masat e saj të përkohshme”, thuhet në raport, raporton rtv.rs.

"Duhet bërë më shumë për të garantuar barazinë gjinore dhe mbrojtjen e fëmijëve në praktikë. Duhen përpjekje për të garantuar në mënyrë efektive të drejtat të pjesëtarëve të pakicave, përfshirë romët, ashkalitë dhe egjiptianët, personat me aftësi të kufizuara dhe personat e zhvendosur”, theksohet në raport.

Më tej në raport përmendet situata me Kosovën, ku në raport thuhet se situata në veri ende “mbetet sfidë”, veçanërisht në aspektin e korrupsionit, krimit të organizuar dhe kushteve për lirinë e shprehjes, përfshirë sulmet ndaj punonjësve të mediave.

raporti i be serbi