Sport

Van Dijk me shiritin e kapitenit të Liverpool-it në krah: “Do të ishte një nder i madh”

"Ne kemi shumë lojtarë që mund ta marrin atë përgjegjësi (përfaqësimin e Liverpool) dhe duhet ta marrin atë përgjegjësi, ndaj kam besim se kjo do të ndodhë”.

30 Korrik 2023, 11:32 Nga DOSJA
Van Dijk me shiritin e kapitenit të Liverpool-it në krah: “Do

SINGAPOR - Në një konferencë për shtyp, qendërmbrojtësi holandez i Liverpool-it, Virgil van Dijk, 32 vjeç, siguroi se grupi ka kapacitetin për të mbushur boshllëkun e lënë nga Jordan Henderson, i cili u nis për në Arabinë Saudite dhe u shpreh se do të ishte "një nder i madh" për të që do ta pasonte atë si kapiten.

“Natyrisht, ai do të mungojë shumë si lojtar dhe, pa dyshim, si lider dhe kapiten, dikush që është kaq i rëndësishëm për ne dhe që ka qenë i suksesshëm në klub vitet e fundit”, deklaroi Van Dijk, në Singapor, ku Liverpool do të përballet me Leicester të dielën.

Përveç mbajtësit të mëparshëm të shiritit, nga skuadra “Reds” u larguan edhe historiku James Milner dhe Roberto Firmino, por Van Dijk siguron që ka të tjerë të gatshëm për të ecur përpara: "Ne kemi shumë lojtarë që mund ta marrin atë përgjegjësi dhe duhet ta marrin atë përgjegjësi, ndaj kam besim se kjo do të ndodhë”.

Megjithëse, ai nuk donte të fliste shumë për mundësinë (më të mundshme) për të zëvendësuar Henderson si kapiten, Van Dijk tregoi mirë se çfarë do të thoshte për të nëse do të ftohej të merrte shiritin e krahut përgjithmonë: "Natyrisht, unë isha kapiten i ekipi disa herë në vitet e fundit dhe është gjithmonë një moment krenarie. Do të shohim se çfarë na pret e ardhmja, por do të ishte një nder i madh të isha kapiten i ekipit”.

B.T (Dosja.al)

Sondazh

Poll

MË SHUMË