Aktualitet

Alarmi fals për bombën ndaj gjyqtarit/ I dënuari: S’do t’i gjendet as varri, e paralajmërova! Jam anëtar i Cosa Nostra-

16 Tetor 2019, 07:13 Nga DOSJA
Alarmi fals për bombën ndaj gjyqtarit/ I dënuari: S’do

Korçë- Naim Behari, i burgosuri në burgun e Drenovës, pranon se ka qenë personi i cili dha dje alarmin fals për bombë në makinën e gjyqtarit në Korçë, Markelian Kuqos.  Behari pranon se ka qenë personi i cili ka marrë në telefon gjyqtarin për lëndën plasëse por deklaron se kjo ka qenë vetëm një paralajmërim për të.

Në një lidhje telefonike për ‘Fax News’ ai ka deklaruar se me  gjyqtarin Markelian Kuqo ka një çështje të hapur, pasi ky i fundit ka vendosur që ta transferojë të dënuarin në një burg tjetër, që nuk ka qenë në kërkesën e tij. Ndaj gjyqtarit ai nuk ndal edhe kërcënimet ku thekson se nëse nuk revokon gabimet e tij, Kuqos nuk do i gjendet as varri.

I ftohë në raportim ai shprehet se aktualisht është anëtarit i bandës italiane ‘Cosa Nostra’ dhe thekon se Ardi Veliu e di shumë mirë këtë.

Deklarata e Naim Bahrit për Fax News: 

Unë jam Neim Behari, flas nga Burgu i Drenovës, jemi live të lutem. Unë jam personi për të cilin e keni nxjerrë dje në media për çështjen e zotit Markelian Kuqo. Desha t’u sqaroj publikisht se ky gjyqtar, pavarësisht se çfarë ka bërë me persona të tjerë, që nuk më intereson mua, po në lidhje me personin tim, ka një proces gjyqësor që ka një muaj, që ka shkelur të drejtat e njeriut dhe Konventën Europiane të të Drejtave të Njeriut. Si shkak i veprimeve të këtij gjyqtari, unë dhe përfaqësuesit e mi mafiozë që dihen shumë mirë se kush janë kanë marrë atë veprimin  e djeshëm. I kundërshtoj të gjitha ato thëniet që keni thënë juve në media. Unë nuk ju kam marrë në telefon t’u komunikoj kot, unë jam personi që kam bërë atë veprim. Se çfarë kam bërë unë, se me cilët, ato janë kompetencat e mia. Zoti gjyqtar për shkak të bindjeve të mia politike,  sepse unë jam i djathtë ka mbi 2 muaj që tallet me mua këtu. Ka bërë proces gjyqësor pra dijeninë time, ku unë jam kërkues në këtë çështje. Unë në gjykatën e Korçës kam bërë një kërkesë dhe kam kërkuar transferimin nga ky burg dhe gjyqtari më kërkon të më çojë në një burg tjetër, që unë nuk e kam dëshirën time. Ky zotëria ka marrë një shkresë të ndërmjetme në datë 11 të këtij muaji dhe kërkon shoqërimin tim në një burg tjetër. Këtë e ka bërë pa qenë unë aty. Nuk ka asnjë argument për këtë. Unë në seancën e datës 25 kërkova përjashtimin e Kuqos nga çështja për shkak të disa informacioneve që kisha. Për të ka edhe një masë disiplinore nga KLD-ja.  Ky zotëria më përmend mua në sallë të gjyqit pse kam nënshtetësinë greke, sikur do i jap llogarinë unë këtij për këtë.

Unë kam komunikuar me drejtorin e burgut Gencin, ditën e djeshme,i  cili është njeri i respektuar, ai thotë nuk është në kompetencën time. Nëse gjyqtari vazhdon të shkelë ligjin, Unë jam ankuar në ministri, ka mënyra të tjera për të dhënë zgjidhje, jo Kuqos por edhe ndonjë më i madh se Markelian Kuqo, që mund ta komandojë këtë, ndonjë kryeministër, apo ministër drejtësie të korruptuar. Ka bërë veprime të paligjshme.  Nëse ky gjyqtar do të vazhdojë të shkelë të drejtat e mia, do të ketë fatin më të keq që ka parë republika e Shqipërisë.  Jam shumë i revoltuar për ato që keni folur për mua., gjysmat janë shpifje dhe sajesa të gazetarëve. Unë jam Naim Behari, kam edhe emrin Nikos Konstandios, prej dy muaj në burgun e Drenovës dhe akuzohen për vrasje, në Shqipëri.

Moj unë jam urdhëruesi i atij muhabeti. Nëse ai nuk revokon revokon gabimet e tij , unë  nuk mbaj përgjegjësi, unë do të them që këtij gjyqtari nuk do i gjendet as varri.  Këto nuk janë deklarata politike. Ta dëgjojë edhe Arta Marku këtë.  Ky zotëri, Markelian Kuqo e di shumë mirë nga se i ka ardhur kjo, e di edhe numrin tim të telefonit.

Unë jam ish-ushtarak, ish-efektiv i CIA-s, akm punuar për Amerikën. Unë jam edhe anëtar i Cosa-Nostra-s italiane,  Ardi Veliu e di shumë mirë këtë,  di shumë mirë veprimet e mia në burg.Gjyqtari shkeli të drejtat e mia, dhe ky gjyqtari nuk e kalon Vettingun. Më ka shkelur të drejtat e mia. Ai komandohet nga ndonjë kryeministër apo ministër që bën këto veprime ndaj meje. 

Gjyqtari Markelian Kuqo mori dje një telefonatë, në të cilën thuhej se në makinën e tij është vendosur një bombë. Vetë gjyqtari ka thënë se nuk ka dijeni për ngjarjen. Policia konfirmoi se telefonata ishte bërë nga burgu i Drenovës, konkretisht nga Naim Behari.

J.V/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet alarm per bombe ne makinen e gjyqtarit markelian kuqo naim bahri alarm per bombe ne makinen e gjyqtarit markelian kuqo naim bahri

Sondazh

Poll

Aktualitet 16 Tetor 2019, 06:23

HOLANDË– Një baba me gjshtaë fëmijët e tij janë shpëtuar nga një jetesë mjerane që po bëin teksa prisnin fundin e botës. Burri së bashkum e gjshta fë...

MË SHUMË