Politike

“MJAFT zoti Veliaj!”, Federata Europiane e Gazetarëve ia kërkon në shqip ish-drejtuesit të “Mjaft”, tani kryetar i Bashkisë së Tiranës

Për Ricardo Gutiérrez, të quash një gazetare “vrasëse me pagesë”, është një akuzë e rëndë. Marrë shkas nga ky rast, ai ripërsërit thirrjen ndaj Veliajt, që të mos frikësojë dhe denigrojë gazetarët që guxojnë të kërkojnë llogari. Por ndryshe nga herët e tjera, në këtë rast ai i drejtohet në shqip: Z. Veliaj, MJAFT MË.

15 Korrik 2023, 17:17 Nga DOSJA
“MJAFT zoti Veliaj!”, Federata Europiane e Gazetarëve ia
Erion Veliaj

TIRANE- Ricardo Gutiérrez, Sekretari i Përgjithshëm i Federatës Europiane të Gazetarëve, me anë të një postimi në Facebook, ka reaguar ndaj qëndrimit të kryebashkiakut Erion Veliaj ndaj gazetares investigative të BIRN, Ola Xama, të cilën e ka konsideruar si një militante. Ai shprehet i revoltuar se Veliaj ka sulmuar mediat dhe gazetarët shqiptarë, dhe se kjo është e padenjë për postin që ai mban. 

Gutiérrez aqaron se Veliaj e përshkroi gazetaren si një "vrasëse me pagesë", pasi ajo zbuloi se ai kishte luajtur një rol të rëndësishëm në një projekt të lidhur me menaxhimin e mbetjeve publike në Tiranë. Për Ricardo Gutiérrez, të quash një gazetare “vrasëse me pagesë”, është një akuzë e rëndë. Marrë shkas nga ky rast, ai ripërsërit thirrjen ndaj Veliajt, që të mos frikësojë dhe denigrojë gazetarët që guxojnë të kërkojnë llogari. Por ndryshe nga herët e tjera, në këtë rast ai i drejtohet në shqip: Z. Veliaj, MJAFT MË.

Postimi i plotë

“Kryebashkiaku i Tiranës, Erion Veliaj, ka sulmuar edhe një herë mediat profesionale dhe gazetarët shqiptarë. Kjo është e padenjë për postin që ai mban.

Z. Veliaj e përshkroi Ola Xama, një gazetare investigative nga BIRN, si një "vrasëse me pagesë" pasi ajo zbuloi se ai kishte luajtur një rol të rëndësishëm në një projekt të lidhur me menaxhimin e mbetjeve publike në Tiranë. Aktualisht po zhvillohen hetime që përfshijnë figura të rëndësishme politike për mënyrën e menaxhimit të mbetjeve në kryeqytetin shqiptar.

Hetimi u publikua më 13 korrik 2023 dhe Veliaj refuzoi kërkesën e BIRN për koment. Një ditë pas publikimit, z. Veliaj i shkruante gazetares se ajo i kishte ngatërruar faktet dhe e quajti atë “militante”. Në një komunikim tjetër me gazetaren, ai i ka thënë “nuk je gazetare, je vrasës me pagesë”. Disa media u angazhuan në një fushatë negative kundër Ola Xamës, duke përdorur të njëjtat fjalë si z. Veliaj.

Të quash një gazetare “vrasëse me pagesë” është një akuzë e rëndë që mund të çojë në ngacmime në internet dhe madje edhe kërcënime fizike. Përdorimi i fjalëve të tilla rrezikon seriozisht Ola Xamën dhe dekurajon atë dhe gazetaret e tjera që të kryejnë punën e tyre si gazetare në interes të publikut.

I kam kërkuar disa herë në të shkuarën z. Veliaj që të mos frikësojë dhe denigrojë gazetarët dhe qytetarët shqiptarë që guxojnë të kërkojnë llogari. Këtë herë do t'i drejtohem në shqip. Ndoshta ai do të dëgjojë më shumë?

Z. Veliaj, MJAFT MË.

#Shqipëri #Tiranë #Ngacmim

Në kundërpërgjigje, kryebashkiaku Veliaj ka mohuar publikisht në të shkuarën se ka pasur rol aktiv në procedurat e koncesionit të mbetjeve në Tiranë, por dokumentet hetimore të Prokurorisë së Posaçme, të siguruara nga BIRN, tregojnë se Veliaj ishte nismëtari i këtij projekti dhe se propozimi i tij, i hapi dritën jeshile koncesionit të inceneratorit të Tiranës.

 

Sondazh

Poll

MË SHUMË