Sport

Grabitqari’ seksual Benjamin Mendy i fitoi të gjitha çështjet në gjykatë, ai tani mund të luajë përsëri, nëse do të ketë oferta

Ish-lojtari i Man.City ëndërron një rikthim në fushë

14 Korrik 2023, 17:59 Nga DOSJA

Grabitqari’ seksual Benjamin Mendy i fitoi të gjitha

ANGLI - Futbollisti francez Benjamin Mendy tani është liruar nga të gjitha akuzat për sulm seksual, të ngritura kundër tij nga shumë gra. Ish-lojtari i Manchester City u akuzua për tetë akuza për përdhunim, një akuzë për tentativë përdhunimi dhe sulm seksual ndaj shtatë femrave.

Pasi Mendy u lirua nga 6 akuza për përdhunim dhe një për sulm seksual në janar, futbollisti tani është liruar edhe nga 2 akuzat e mbetura, një përdhunim dhe një tjetër tentativë përdhunimi.

Mendy gjithmonë i ka mohuar akuzat, të cilat femrat thonë se ndodhën midis tetorit 2018 dhe gushtit 2021 në shtëpinë e mbrojtësit në Prestbury. Futbollisti organizonte festa të vazhdueshme që u kthyen në orgji. Disa nga zonjat që e kanë vizituar, thonë se me siguri janë droguar.

Mendy u përball me burgim të përjetshëm, nëse dënohej për shumicën e akuzave. Logjikisht, pas kaq shumë akuzave, karriera futbollistike e Mendy u ndal. Futbollisti është arrestuar në vitin 2020. Pas kësaj, masa e tij është ndryshuar në arrest shtëpie.

Hetimi zgjati për 17 muaj, kohë gjatë së cilës Mendy u ndalua të stërvitej dhe të luante për Manchester Cityn dhe aktualisht ai është një lojtar i lirë. Mbrojtësi sigurisht që mezi pret të luajë sërish në fushë dhe mbetet të shihet nëse për të do të jenë të interesuara skuadra nga ligat më të mira.

B.T (Dosja.al)