Bota

“Kemi nisur mocion mosbesimi ndaj qeverisë”/ Haradinaj: Kurti po rrezikon ekzistencën e Kosovës

Kurti tha se është diskutuar si mundësi edhe krijimi i një qeverie të “unitetit kombëtar”, që do të përfshinte të gjitha partitë politike, përfshirë edhe Lëvizjen Vetëvendosje, duke shmangur kështu kalimin e menjëhershëm në zgjedhje.

5 Korrik 2023, 20:38 Nga A.B
“Kemi nisur mocion mosbesimi ndaj qeverisë”/ Haradinaj: Kurti
Ramush Haradinaj dhe Albin Kurti

KOSOVË- Kreu i Aleancës për Ardhmërinë e Kosovës, Ramush Haradinaj është treguar i ashpër në deklaratat e tij drejtuar kryeministrit Albin Kurti. Në një deklaratë për media, Haradinaj ka akuzuar Kurtin se po rrezikon ekzistencën e Kosovës si dhe marrëdhëniet me aleatët.

“Kurti dhe Qeveria Kurti është në drejtim të rrezikshëm dhe po e rrezikon ekzistencën tonë, zbatimin e ligjit në veri, marrëdhënien me aleatët tanë. Duke parë këtë drejtim, kemi iniciuar mocion mosbesimi për qeverinë Kurti. Sot diskutuam edhe forma dhe veprime tjera potenciale për tu përballur me Kurtin, me qeverinë Kurti, me rreziqet që ia shkakton vendit. Njëkohësisht vendosëm edhe krijimin e disa strukturave për t’u përballur me atë qe po vjen dhe situatat rajonale. Nuk do t’i japim krejt detajet”, tha Haradinaj.

Kreu i AAK-së tha se është diskutuar si mundësi edhe krijimi i një qeverie të “unitetit kombëtar”, që do të përfshinte të gjitha partitë politike, përfshirë edhe Lëvizjen Vetëvendosje, duke shmangur kështu kalimin e menjëhershëm në zgjedhje.

“Është e pakuptimtë me u sjell normal në parlament, pra të vazhdojmë me agjendë të zakonshme. Kohë më përpara kemi thënë se nuk është kohë e zakonshme, nuk është situatë e zakonshme, nuk mund të sillemi zakonshëm. Do të bashkëpunojmë me opozitën për qëndrimet tona në parlament, do të jemi bashkë, nuk do të ndahemi nga partitë tjera në një bojkot në parlament, por njëkohësisht në mundësinë e protestave dhe zhvillimeve tjera, pra ne veç kemi krijuar strukturat tona të brendshme për t’iu përgjigjur situatave dhe rrethanave që vijnë”, tha Haradinaj./Dosja.al

ramush haradinaj albin kurti

Sondazh

Poll

MË SHUMË