Aktualitet

Kanosi dhe përndoqi një vajzë, Gjykata e Korçës liron nga qelia Mariglen Topuzin

Sipas informacioneve policore, Mariglen Topuzi është lidhje e ngushtë shoqërore e Meardi Berberit, ose siç njihet ndryshe në Pogradec me nofkën “Koro…” dhe Laert Haxhiut nga Lushnja, të arrestuar së fundi në Janinë të Greqisë.

8 Qershor 2023, 11:54 Nga I.A

 

Kanosi dhe përndoqi një vajzë, Gjykata e Korçës liron
Mariglen Topuzi

 

POGRADEC- Mariglen Topuzi i riu që u arrestua ditën e djeshme nga policia në Pogradec për përndjekje dhe kanosje është liruar nga qelia. “Ora News” shkruan se vendimi është marrë dje nga gjyqtarja e Korçës, Genta Shukullari, e cila vendosi të mos pranojë kërkesën e "arrestit në shtëpi" që kishte kërkuar prokurori, duke urdhëruar që Topuzi të hetohet në gjëndje të lirë me masën e sigurisë detyrimit për paraqitje. Sipas informacioneve policore, Mariglen Topuzi është lidhje e ngushtë shoqërore e Meardi Berberit, ose siç njihet ndryshe në Pogradec me nofkën “Koro…” dhe Laert Haxhiut nga Lushnja, të arrestuar së fundi në Janinë të Greqisë.

Arrestimi i Topuzit erdhi pas një një kallëzimi që ka bërë në polici një vajzë, e cila ka pretenduar se është përndjekur në mënyrë të vazhdueshme dhe kanosur nga ai. Topuzi njihet në Pogradec si person me precedentë penalë dhe anëtar i grupit kriminal në këtë zonë që drejtohet nga Ilir Berberi ose siç njihet ndryshe “Lili i Rrushkës”.

mariglen topuzi genta shukullari laert haxhiu ilir berberi

Sondazh

Poll

MË SHUMË