Art&Argëtim

Ndahet nga jeta 'muza' e Pikasos, piktorja e njohur franceze Françoise Gillot

E lindur në një familje të begatë pariziane, Gilot ishte një piktore e përkushtuar në kohën kur takoi Picasson, 40 vjet më i madh nga ajo, në një restorant francez kur ajo ishte 21 vjeç. 

7 Qershor 2023, 18:59 Nga a.l
Ndahet nga jeta 'muza' e Pikasos, piktorja e njohur franceze
Françoise Gilot

Françoise Gilot, një piktore, karriera e së cilës u la në hije nga marrëdhënia e saj romantike me Pablo Picasso dhe kujtimet e së cilës në vitin 1964 u bënë një bestseller ndërkombëtar, ka ndërruar jetë në moshën 101-vjeçare.

Vdekja e saj në një spital të Manhattanit u konfirmua për New York Times nga vajza e saj, Aurelia Engel, e cila tha se artistja franceze kishte pasur probleme me zemrën dhe mushkëritë.

E lindur në një familje të begatë pariziane, Gilot ishte një piktore e përkushtuar në kohën kur takoi Picasson, 40 vjet më i madh nga ajo, në një restorant francez kur ajo ishte 21 vjeç. 

Ajo vazhdoi të ekspozonte veprat e saj, të cilat tani qëndrojnë në më shumë se një duzinë muze, duke përfshirë Muzeun Metropolitan të Artit dhe Muzeun e Artit Modern në Nju Jork dhe Qendrën Pompidou në Paris dhe pikturat e saj vazhduan të shiteshin. Një portret i vitit 1965 i vajzës së saj, 'Paloma à la Guitare', u shit për 1.3 milion dollarë në një ankand online në 2021. 

Gilot u martua më pas me artistin Luc Simon në 1955, me të cilin kishte një vajzë, Aurelia. Çifti u divorcua në vitin 1962. Në vitin 1970, ajo u martua me Jonas Salk, studiuesin mjekësor amerikan përgjegjës për një nga vaksinat e para të suksesshme ndaj poliomielitit. Çifti e ndanë kohën e tyre mes La Jolla, Kaliforni, dhe studios së saj në jug të Francës. Ajo botoi një tjetër kujtim të jetës së saj si artiste, Interface: The Painter and the Mask, në 1975. Një vit më pas, ajo u bë kryetare e departamentit të arteve të bukura në Universitetin e Kalifornisë Jugore, një punë që e mbajti deri në vitin 1983.

Pas vdekjes së Salk në 1995, ajo u zhvendos në Upper West Side në Manhattan, ku vazhdoi të pikturonte. Në vitin 2018, në moshën 96-vjeçare, ajo botoi një libër me skica të bëra gjatë udhëtimeve të shumta në Indi, Senegal dhe Venecia midis 1974 dhe 1981, skhruan The Guardian. 

Përveç Engelit, ajo ka lënë pas edhe dy fëmijët e saj me Picasso: Claude Picasso, drejtor i Administratës së Picasso-s dhe Paloma, një stilist i modës dhe bizhuterive, si dhe katër nipër e mbesa.

francoise gilot

Sondazh

Poll

MË SHUMË