Bota

Lufta në Ukrainë/ Kievi paralajmëron rritje të rrezikut të sulmeve raketore ruse

Administrata ushtarake e Kiev njoftoi se Ukraina rrëzoi 10 raketa dhe mbi 20 dronë të lëshuar nga Rusia në sulmet e natës në kryeqytetin Kiev, qytetin e Dnipros dhe rajonet lindore.

26 Maj 2023, 08:54 Nga f.i
Lufta në Ukrainë/ Kievi paralajmëron rritje të rrezikut
foto ilustruese

UKRAINË- Autoritetet ushtarake në kryeqytetin ukrainas të Kievit kanë raportuar për një rrezik të shtuar të sulmeve me raketa ruse në orët e para të mëngjesit të sotëm. Mediat e huaja raportojnë se pritet për sulm ajror në 11 rajone të Ukrainës.

Ata thanë se mbrojtja kundërajrore po funksiononte në të gjithë rajonin. Administrata ushtarake e Kiev njoftoi se Ukraina rrëzoi 10 raketa dhe mbi 20 dronë të lëshuar nga Rusia në sulmet e natës në kryeqytetin Kiev, qytetin e Dnipros dhe rajonet lindore.

"Rrezik i shtuar i raketave! Mbrojtja ajrore po funksionon në rajon," tha administrata ushtarake rajonale e Kievit në një mesazh në Telegram.

Rusia ka nisur qindra sulme me raketa në objektiva në të gjithë Ukrainën që nga tetori i kaluar, duke kërkuar të shkatërrojë infrastrukturën kritike dhe objektiva të tjerë. Në javët e fundit Ukraina tha se rrëzoi shumicën e raketave.

lufta ukraine-rusi

Sondazh

Poll

MË SHUMË