Aktualitet

2 herë...tek e njëjta banesë! Kapen hajdutët në Tiranë, brenda muajit morën 1 mln lekë

Ngjarje që kanë ndodhur brenda vetëm pak ditëve.

22 Maj 2023, 09:50 Nga k.m.
2 herë...tek e njëjta banesë! Kapen hajdutët në
Foto ilustruese

TIRANË- Dy persona kanë përfunduar në prangat e Policisë së Tiranës, pasi akuzohet se kanë vjedhur 2 herë të njëjtën banesë. Ngjarje që kanë ndodhur brenda vetëm pak ditëve. Si rezultat i operacionit “Tëo times”, në pranga përfunduan: L. H., 25 vjeç dhe R. Xh., 22 vjeç, të dy banues në Kombinat, të cilët akuzohen se kanë vjedhur bizhuteri të ndryshme floriri dhe shumën 1 000 000 lekë të rinj, në banesën e një qytetari, në Sharrë.

NJOFTIMI I PLOTË:

Tiranë/Finalizohet nga Komisariati i Policisë Nr. 6, operacioni policor i koduar "Tëo times". Vodhën dy herë në të njëjtën banesë, gjatë javës së fundit, 1 000 000 lekë të rinj dhe bizhuteri floriri, vihen në pranga 2 shtetas. Sekuestrohen disa nga bizhuteritë e vjedhura dhe një palë doreza të përdorura nga autorët gjatë dy vjedhjeve. Shërbimet e Komisariatit të Policisë Nr. 6, në vijim të punës për goditjen e paligjshmërisë në fushën e vjedhjes së pronës dhe pasurisë, si dhe vënien e autorëve përpara përgjegjësisë ligjore, kanë organizuar dhe finalizuar operacionin policor të koduar "Tëo times". Si rezultat u bë arrestimi i shtetasve L. H., 25 vjeç dhe R. Xh., 22 vjeç, të dy banues në Kombinat, Tiranë. Nga veprimet hetimore dyshohet se këta dy shtetas, në bashkëpunim me njëri-tjetrin, në datat 15.05.2023 dhe 18.05.2023, kanë vjedhur bizhuteri të ndryshme floriri dhe shumën 1 000 000 lekë të rinj, në banesën e një shtetasi, në Sharrë. Në cilësinë e provës materiale u sekuestruan disa prej bizhuterive që dyshohet se janë vjedhur në këtë banesë, si dhe një palë doreza që dyshohet se autorët i kanë përdorur gjatë dy vjedhjeve. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

tirane

Sondazh

Poll

MË SHUMË