Politike

'PL ka qenë luajale'/ Berisha: Rama do i kishte bërë shpërblimin të madh Metës, nëse s'do pranonte koalicionin me PD

Berisha tha se Rama do i kishte bërë shpërblimin të madh Metës, nëse s'do pranonte koalicionin me PD.

20 Maj 2023, 13:58 Nga A.B
'PL ka qenë luajale'/ Berisha: Rama do i kishte bërë
Sali Berisha

TIRANË- Kryetari i Partisë Demokratike, Sali Berisha deklaroi se Partia e Lirisë ka qenë luajale dhe sipas tij  koalicion e bëri në mënyrë që opozita të kishte një fuqi më të madhe. Po ashtu, Berisha tha se Rama do i kishte bërë shpërblimin të madh Metës, nëse s'do pranonte koalicionin me PD.

"Unë mendoj se Partia e Lirisë ka qenë plotësisht luajale dhe ajo nuk kishte asnjë interes si parti të bënte koalicion, por këtë koalicion ajo e bëri në mënyrë që opozita të kishte një fuqi më të madhe, përndryshe siç e patë ju, kandidatët tanë do detyroheshin të regjistroheshin të pavarur sepse Edi Rama me gjykatësit e tij, ekzekutorë të ligjit në sallën e gjyqit, mori logon dhe vulën e PD-së. Në këto rrethana, të garantoj që Edi Rama do i kishte bërë shpërblimin më të madh Ilir Metës, nëse nuk do pranonte koalicionin me PD.

Duhet të kemi gjykim politik. Përpjekja ishte një dhe vetëm një, të asgjësohej PD në këtë farsë elektorale.
Kjo përpjekje dështoi. PD mori 40 përqind të votës së elektoratit.
Ne ishim para rrethanës që Edi Rama dhe jo vetëm ai, kërkonin me çdo kusht që të na zhduknin nga harta elektorale e vendit."- tha Berisha.

sali berisha

Sondazh

Poll

MË SHUMË