Bota

Nafta ruse shitet në Evropë nga India, Borrell: BE të marrë masa

Në një artikull të botuar në Financial Times, Borrell tha se duhet të veprohet sa më shpejt për të frenuar rrjedhën e naftës nga Rusia në Indi, e cila është bërë një nga blerësit më të mëdhenj të naftës ruse që kur Moska filloi pushtimin e saj në Ukrainë.

16 Maj 2023, 12:55 Nga a.l
Nafta ruse shitet në Evropë nga India, Borrell: BE të marrë
Josep Borrell

Shefi i politikës së jashtme të Bashkimit Evropian, Josep Borrell, ka thënë se BE-ja duhet të godasë Indinë që rishiti naftën ruse në Evropë si lëndë djegëse të rafinuar.

Në një artikull të botuar në Financial Times, Borrell tha se duhet të veprohet sa më shpejt për të frenuar rrjedhën e naftës nga Rusia në Indi, e cila është bërë një nga blerësit më të mëdhenj të naftës ruse që kur Moska filloi pushtimin e saj në Ukrainë.

“Nëse nafta ose benzina po hyjnë në Evropë, që vijnë nga India dhe prodhohen me naftën ruse, kjo është sigurisht një anashkalim i sanksioneve dhe shtetet anëtare duhet të marrin masa,” tha ai.

Sakaq, Borrell tha se ai do ta ngrinte çështjen me ministrin e jashtëm të Indisë, me të cilin do të takohet sot, shkruajnë mediat e huaja. India, e cila importon 80% të naftës së saj, para luftës bleu vetëm rreth 2% deri në 3% nga Rusia. Por ndërsa çmimet e naftës u rritën vitin e kaluar, qeveria rriti në mënyrë të vazhdueshme konsumin e saj nga Moska, duke përfituar nga zbritjet e mëdha. 

josep borrell

Sondazh

Poll

MË SHUMË