Aktualitet

Dhunoi psikologjikisht kunatën e tij në ambientet e Gjykatës, arrestohet 72-vjeçari në Shkodër

Mësohet se 72-vjeçari është arrestuar, pasi në ambientet e gjykatës ka kërcënuar dhe dhunuar psikologjikisht, kunatën e tij, 59-vjeçare.

8 Maj 2023, 12:50 Nga I.A
Dhunoi psikologjikisht kunatën e tij në ambientet e Gjykatës,
Policia

SHKODËR- Një i moshuar ka rënë në prangat e policisë në Shkodër, pasi ka ushtruar dhunë psikologjike ndaj kunatës së tij. Mësohet se 72-vjeçari është arrestuar, pasi në ambientet e gjykatës ka kërcënuar dhe dhunuar psikologjikisht, kunatën e tij, 59-vjeçare. Dy të moshuarit ishin në proces gjyqësor në momentin kur ka ndodhur ngjarja.

Njoftimi i Policisë:

Ushtroi dhunë psikologjike ndaj kunatës së tij, në ambientet e Gjykatës së qarkut, arrestohet autori. Këta shtetas ishin në seancë gjyqësore me objekt caktimin e urdhrit të mbrojtjes për këtë shtetase. Specialistët e Seksionit për Hetimin e Krimeve të DVP Shkodër arrestuan shtetasin P. V., 72 vjeç, banues në fshatin Grudë e Re, Shkodër, pasi në ambientet e Gjykatës së Shkallës së Parë të Juridiksionit të Përgjithshëm Shkodër, ka ushtruar dhunë psikologjike ndaj kunatës së tij, shtetases R. V., 59 vjeçe., banuese në të njëjtin fshat. Të dy këta shtetas ishin në proces gjyqësor për caktimin e urdhrit të mbrojtjes nga shtetasi P. V., në favor të 59-vjeçares, pasi ky shtetas kishte ushtruar dhunë psikologjike dhe më parë, ndaj kunatës së tij. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

policia ne shkoder

Sondazh

Poll

MË SHUMË