Aktualitet

Hidhte në treg kartëmonedha të falsifikuara, pranga 37-vjeçarit në Tiranë (EMRI)

37-vjeçari dyshohet se ka hedhur vazhdimisht në qarkullim, nëpër subjekte të ndryshme tregtare në kryeqytet, kartëmonedha të prerjes 100 dollarë.    

3 Maj 2023, 09:01 Nga m.s
Hidhte në treg kartëmonedha të falsifikuara, pranga
foto ilustruese

TIRANË- Fatlind Ahmetaj, i dënuar më parë për vjedhje dhe për mashtrim është vënë në pranga nga blutë e Tiranës, pasi kishte hedhur në treg kartëmonedha të dyshuara të falsifikuara. Burimet nga policia bëjnë me dije se falë operacionit të koduar “Dollars” janë sekuestruar kartëmonedha të prerjes 100 dollarë, të dyshuara të falsifikuara.

Policia, marrë shkas nga disa kallëzime për një qytetar që hidhte në qarkullim nëpër subjekte të ndryshme tregtare, kartëmonedha të dyshuara të falsifikuara, finalizuan operacionin policor të koduar "Dollars”.   

Në kuadër të këtij operacioni u bë ndalimi i 37-vjeçarit, për veprat penale "Falsifikimi i monedhave" dhe "Mashtrimi". 37-vjeçari dyshohet se ka hedhur vazhdimisht në qarkullim, nëpër subjekte të ndryshme tregtare në kryeqytet, kartëmonedha të prerjes 100 dollarë.    

NJOFTIMI I POLICISË: 

Finalizohet operacioni policor i koduar “Dollars”, i zhvilluar nga Seksioni për Hetimin e Krimit Ekonomik dhe Financiar në DVP Tiranë, në bashkëpunim me Komisariatin e Policisë Nr. 3. Hodhi në treg kartëmonedha të dyshuara të falsifikuara, vihet në pranga 37-vjeçari. I arrestuari, i dënuar më parë për vjedhje dhe për mashtrim. Sekuestrohen kartëmonedha të prerjes 100 dollarë, të dyshuara të falsifikuara. Specialistët e Seksionit për Hetimin e Krimit Ekonomik dhe Financiar në DVP Tiranë, në bashkëpunim me Komisariatin e Policisë Nr. 3, nisur nga disa kallëzime për një shtetas që hidhte në qarkullim nëpër subjekte të ndryshme tregtare, kartëmonedha të dyshuara të falsifikuara, pas një punë te mirëfilltë hetimore disajavore, organizuan dhe finalizuan me sukses operacionin policor të koduar "Dollars”. Në kuadër të këtij operacioni u bë ndalimi i shtetasit F. A., 37 vjeç, për veprat penale "Falsifikimi i monedhave" dhe "Mashtrimi".  Ky shtetas dyshohet se ka hedhur vazhdimisht në qarkullim, nëpër subjekte të ndryshme tregtare, në Tiranë, kartëmonedha të prerjes 100 dollarë.    

Në cilësinë e provës materiale u sekuestruan kartëmonedha të prerjes 100 dollarë, të dyshuara të falsifikuara.   Vijon puna për dokumentimin e plotë të veprimtarisë kriminale të këtij shtetasi. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./Dosja.al 

policia tirane falsifikim operacioni dollars fatlind ahmetaj

Sondazh

Poll

MË SHUMË