Aktualitet

"I kanë hequr qafe"/ Protesta e të afërmve për dy të zhdukurit, familjari: Shanset janë zero që ata të jenë gjallë

I pyetur nga mediat, një prej familjarëve u shpreh se dyshimet janë tek prona që u shit dy herë. 

2 Maj 2023, 10:35 Nga A.B
"I kanë hequr qafe"/ Protesta e të afërmve për dy
I afermi

TIRANË- Familjarët e dy të zhdukurve nga Saranda, Leonard Thodhori dhe Fatmir Sulovarit protestuan ditën e sotme përballë drejtorisë së Policisë, pasi kërkojnë që të rinisin kërkimet për gjetjen e dy personave që janë zhdukur prej kohësh.

I pyetur nga mediat, një prej familjarëve u shpreh se dyshimet janë tek prona që u shit dy herë. 

“Kamerat sipas tyre nuk funksiononin, 7 ditë humbën kohën. Ata u kanë gjetur vendin. Kjo histori mori përmasa ditën e 10 dhe 12. Nëse shteti ka dashamirësi ta bëjë thjesht, të paktën të flasin privatisht të qetësojnë familjet. Shanset janë zero. Dyshimet janë tek prona që u shit dy herë, mund të jetë nxitje nga njerëz të dytë apo të tretë. Kanë thënë hiqeni qafe se me një person të tillë s’merreni dot.”- tha një prej të afërmve.

Ditën e sotme, familjaret e dy viktimave të rrëmbyer dhe të zhdukur në 6 prill në Sarandës protestuan para Drejtorisë së Përgjithshme të Policisë së Shtetit. Tre përfaqësues u takuan edhe me kryepolicin Muhamet Rrumbullaku./Dosja.al

fatmir sulovari leonard thodhori

Sondazh

Poll

MË SHUMË